Views: 4
ប្រែសម្រួលៈបំណង(ST,Mirror)៖មនុស្សយ៉ាងតិច៣១នាក់ ភាគច្រើនជាកុមារត្រូវបានសម្លាប់ដោយអតីតប៉ូលិសម្នាក់កាលពីថ្ងៃព្រហស្បតិ៍ទី៦តុលា ក្នុងការបាញ់ប្រហារសម្លាប់មនុស្សយ៉ាងរង្គាលមួយនៅមណ្ឌលថែទាំកុមារមួយនៅថៃខាងជើង។
ខ្មាន់កាំភ្លើង អាយុ៣៤ឆ្នាំ ឈ្មោះ ប៉ាន់យ៉ា ខាមរ៉ាប(Panya Khamrab)បានសម្លាប់ខ្លួនឯងនិងប្រពន្ធនៅពេលប៉ូលិសតាមស្វែងរកចាប់ខ្លួន នេះបើតាមសារព័ត៌មានថៃបានរាយការណ៍។នៅម៉ោងប្រមាណ៣រសៀល មានសេចក្តីរាយការណ៍ថា ជនល្មើសបានបាញ់ខ្លួនឯងនិងក្មេងបីនាក់ទៀត រួមទាំងប្រពន្ធរបស់ខ្លួនក្រោយជននេះបានប្រព្រឹត្តដូចកម្រោលចូលនៅមជ្ឈមណ្ឌលថែទាំងកុមារមួយក្នុងខេត្ត ណង បួ ឡាំភូ(Nong Bua Lamphu)។
របាយការណ៍បាននិយាយថា ក្នុងចំណោមអ្នកស្លាប់៣១នាក់រួមមានកូនក្មេងជាងម្ភៃនាក់ និងមនុស្ស១៨នាក់ទៀតរងរបួស។
ក្រោយបាញ់ប្រហារនៅមជ្ឈមណ្ឌលថែទាំកុមារ ខាមរ៉ាប បានគេចខ្លួនតាមរថយន្តតូយ៉ូតាVigoពណ៌សដោយបន្សល់ក្បាំងនិងស្លាកលេខនៅកន្លែងកើតហេតុ។
របាយការណ៍បាននិយាយថា ជនល្មើសទើបត្រូវបណ្តេញចេញពីកងកម្លាំងប៉ូលិសកាលពីឆ្នាំមុនដោយសារប្រើថ្នាំញៀន។
ប៉ាន់យ៉ា ខាមរ៉ាប ត្រូវគេនិយាយថា ប្រដាប់ដោយកាំភ្លើងនិងកាំបិតពេលចូលទៅក្នុងមជ្ឈមណ្ឌលកុមារ
សូមបញ្ជាក់ថា អត្រាកាន់អាវុធនៅថៃខ្ពស់ធៀបនឹងប្រទេសផ្សេងៗនៅក្នុងតំបន់ តែតួលេខផ្លូវការមិនរាប់បញ្ចូលអាវុធខុសច្បាប់មួយចំនួនធំទេ ភាគច្រើនត្រូវបានទិញនាំឆ្លងកាត់ព្រំដែនមកពីប្រទេសក្បែរខាង។
ការបាញ់សម្លាប់រង្គាលក៏កើតមាននៅឆ្នាំ២០២០ ដោយទាហានម្នាក់ដែលខឹងនឹងកិច្ចព្រមព្រៀងអចលនទ្រព្យមួយ បានបាញ់សម្លាប់មនុស្ស២៩នាក់និងបង្ករបួស៥៧នាក់នៅក្នុងការបាញ់ប្រហារនៅបួនទីតាំងផ្សេងគ្នា៕
នៅក្រៅនិងក្នុងមជ្ឈមណ្ឌលមើលថែកុមារនៅខេត្តណង បួ ឡាំភូ ក្រោយកើតហេតុកាលពីថ្ងៃ៦តុលា
