Views: 1
ប្រែសម្រួល : កញ្ញាដាលីស (ដេល្លីម៉េល) ៖ ក្រុមរដ្ឋអាជ្ញាបានលាតត្រដាងកាលពីពុធទី៧ធ្នូថា ក្រុមស្តាំនិយមជ្រុលមួយដែលគេចោទប្រកាន់ថាបានរៀបចំផែនការផ្ដួលរំលំរដ្ឋាភិបាលអាល្លឺម៉ង់និងបន្តុបព្រះអង្គម្ចាស់មួយអង្គជាអ្នកគ្រប់គ្រង គឺមានគម្រោងកសាងកងទ័ពរបស់ខ្លួនបន្ទាប់ពីរដ្ឋប្រហារទទួលជោគជ័យ។
ក្រុមមន្ត្រីអាល្លឺម៉ង់បាននិយាយថា ក្រុមដែលដឹកនាំដោយព្រះអង្គម្ចាស់នៃរដ្ឋរូស (Reuss) ព្រះនាម ហិនរីចទី៨ (Heinrich XIII) ព្រះជន្ម ៧១ វស្សា បានរៀបចំរួចហើយអំពីរបៀបដែលរដ្ឋមួយក្រោយរដ្ឋប្រហារនឹងត្រូវរៀបចំឡើង ដោយមានទាំងផ្នែកយោធានិងផ្នែកស៊ីវិល ដែលនឹងបំបែកទៅជាក្រសួងនានា។
ព្រះអង្គម្ចាស់ហិនរីចនឹងដឹកនាំស្ថាប័នរដ្ឋប្បវេណីក្នុងនាមជាប្រធានក្រុមប្រឹក្សាកណ្តាល ដែលនឹងត្រូវបញ្ចូលចៅក្រមនិងជាអតីតសមាជិក AfD គឺលោក ប៊ុនដេស្តាក បឺហ្គីត ម៉ាល់សាក វីងកេម៉ាន់ (Bundestag Birgit Malsack-Winkemann) អាយុ ៥៨ ឆ្នាំ ជារដ្ឋមន្ត្រីក្រសួងយុត្តិធម៌។
ទន្ទឹមនឹងនោះ កងកម្លាំងយោធា ដែលដឹកនាំដោយអតីតទាហានឆត្រយោងអាយុ ៦៩ ឆ្នាំ មានឈ្មោះថា រូឌីហ្គើ វីភី (Rüdiger v. P) នឹងទទួល
ខុសត្រូវក្នុងការបង្កើតកងទ័ពថ្មី ដែលត្រូវជ្រើសរើសពីជួរកងកម្លាំងការពារនិងប៉ូលិសអាល្លឺម៉ង់បច្ចុប្បន្ន។
លោករូឌីហ្គើនិងអ្នកក្រោមបង្គាប់របស់គាត់ត្រូវបានចោទប្រកាន់ពីបទព្យាយាមបង្កើតមូលដ្ឋានទ័ពបច្ចុប្បន្នចំនួនបីនៅរដ្ឋហេសសេ (Hesse) រដ្ឋបាដិន វើតថេមបឺក (Baden-Württemberg) និងរដ្ឋបាវ៉ារៀ (Bavaria) ដើម្បីមើលថាតើមូលដ្ឋានទាំងនោះអាចត្រូវបានប្រើប្រាស់ដើម្បីឈរជើងកងទ័ពរបស់ពួកគេបានឬទេ បន្ទាប់ពីការបះបោរបានកើតឡើង។
ពួកគេក៏មានភារកិច្ចក្នុងការទិញអាវុធនិងបណ្តុះបណ្តាលមនុស្សពីរបៀបប្រើប្រាស់ និងបានទទួលកាំភ្លើងជាច្រើនដោយស្របច្បាប់ និងដាក់ “មនុស្សជ្រើសរើសថ្មី” តាមរយៈការអនុវត្តតាមគោលដៅ។
យ៉ាងហោចណាស់មានកិច្ចប្រជុំជ្រើសរើសទាហានចំនួនបួនលើកបានកើតឡើងក្នុងអំឡុងរដូវក្តៅឆ្នាំ ២០២២ ដើម្បីព្យាយាមទាក់ទាញមនុស្សឱ្យចូលក្នុងជួរកងទ័ពថ្មីរបស់ពួកគេ នេះបើយោងតាមរដ្ឋអាជ្ញាដែលបាននិយាយថា សម័យប្រជុំមួយផ្សេងទៀតបានកើតឡើងក្នុងខែវិច្ឆិកា។
ទាហានជ្រើសថ្មីទាំងនេះគឺដើម្បីជួយក្នុងការបះបោរ ហើយបន្ទាប់មកបង្កើត “កងអនុសេនាធំសន្តិសុខមាតុភូមិ” ដែលនឹងទទួលខុសត្រូវក្នុងការតាមប្រមាញ់និងកម្ចាត់មនុស្សសម្ងាត់សេសសល់ក្នុងប្រទេសអាល្លឺម៉ង់ ដែលក្រុមនេះយល់ថាជាអ្នកគ្រប់គ្រងដោយសម្ងាត់លើប្រទេសអាល្លឺម៉ង់។
លោករូឌីហ្គើនិងអនុសេនីយ៍ឯករបស់គាត់ត្រូវបានចោទប្រកាន់ពីបទផ្តល់កន្លែងស្នាក់នៅនិងការផ្តល់ម្ហូបអាហារដល់ពួកគេ ក៏ដូចជាការបង្កើតបណ្តាញ IT ដែលពួកគេអាចប្រើដើម្បីធ្វើទំនាក់ទំនង។
ខណៈមនោគមវិជ្ជានៅក្នុងក្រុមមានភាពខុសប្លែកគ្នា ក្រុមមន្ត្រីអាល្លឺម៉ង់និយាយថា ពួកគេប្រកាន់ស្តាំនិយមជ្រុល ហើយស្ថិតក្រោមក្រោមបដានៃចលនា Reichsbürger ឬ “Reich Citizen”។
អ្នកដែលពាក់ព័ន្ធនឹងក្រុមនេះជឿថា រដ្ឋអាល្លឺម៉ង់បច្ចុប្បន្នគឺជារដ្ឋបង្កើតឡើងមិនស្របច្បាប់ ហើយតាមពិតជាក្រុមដែលគ្រប់គ្រងដោយភ្នាក់ងារបរទេស៕
ព្រះអង្គម្ចាស់ហិនរីចទី៨ត្រូវបានចាប់ខ្លួន