Views: 9
ប្រែសម្រួលៈបំណង(ស្ត្រេតថែមស៍)៖ ព្យុះណូរូ ត្រូវរំពឹងថានឹងនាំទឹកភ្លៀងយ៉ាងជោគជាំទៅកាន់តំបន់ដាំកាហ្វេនៅវៀតណាមកណ្តាល ដោយគំរាមពន្យារពេលប្រមូលផលនៅក្នុងប្រទេសប្រទេសផលិតកាហ្វេធំបំផុតទីពីរក្នុងលោកមួយនេះ។
ព្យុះអាចពន្យារពេលប្រមូលផលកាហ្វេពីមួយទៅពីរសប្តាហ៍ នេះបើតាមលោកស្រី ត្រាន់ ឡាន អាញ់ នាយករងនៃក្រុមហ៊ុននាំចេញកាហ្វេVinh Hiepនៅក្នុងខេត្តយ៉ា ឡាយ(Gia Lai)។លោកស្រីរំពឹងថាការប្រមូលផលនឹងចាប់ផ្តើមនៅពាក់កណ្តាលខែតុលា។
វៀតណាមកណ្តាលកំពុងប្រុងជើងការខ្ពស់ចំពោះព្យុះកំលាំងខ្លាំងនេះ ដោយអ្នកស្រុករៀបចំពង្រឹងផ្ទះរបស់គេ ហើយរើទូកចូលឆ្នេរឬឡើងគោកនៅពេលព្យុះណូរូ ជិតមកដល់នៅពេលវាកំពុងវាយប្រហារហ្វីលីពីន។
ការពន្យារពេលប្រមូលផលនេះបង្កើនហានិភ័យចំពោះការផ្គត់ផ្កង់សកល នៅពេលតំលៃការហ្វេរ៉ូប៊ូស្តាបានឡើងរួចជាស្រេចទៅហើយនៅប៉ុន្មានខែមកនេះ៕
ព្យុះណូរូ កំពុងសំដៅវៀតណាមក្នុងល្បឿនខ្យល់១៦៦គីឡូម៉ែត្រក្នុងមួយម៉ោង
អ្នកស្រុកនៅវៀតណាមកណ្តាលបានត្រៀមប្រឈមព្យុះណូរូ ដោយពង្រឹងផ្ទះនិងរើទូកឡើងគោក
