Views: 2
ប្រែសម្រួល : កញ្ញាដាលីស (ស៊ីនហួ) ៖ អវកាសយានិកចិន លោក ហ្វី ជុនឡុង (Fei Junlong) លោក តេង ឈីងមីង (Deng Qingming) និង លោក ចាង លូ (Zhang Lu)នឹងបំពេញបេសកកម្មហោះហើរអវកាសរបស់យាន Shenzhou-15នៅថ្ងៃអង្គារទី២៩វិច្ឆិកានេះ ហើយលោកហ្វីនឹងក្លាយជាមេបញ្ជាការ នេះបើយោងតាមទីភ្នាក់ងារអវកាសចិន(CMSA)បានប្រកាសនៅក្នុងសន្និសីទសារព័ត៌មានកាលពីថ្ងៃចន្ទទី២៨វិច្ឆិកា។
លោកហ្វីធ្លាប់បានចូលរួមក្នុងបេសកកម្មហោះហើរអវកាសរបស់យាន Shenzhou-6 ហើយទាំងលោកតេងនិងលោកចាងគឺជាអ្នកចំណូលថ្មីទៅកាន់ទីអវកាស នេះបើយោងតាមលោក ជី ឈីមីង (Ji Qiming) ជំនួយការនាយករបស់ CMSA ។
លោកជីបាននិយាយថា វាគឺជាបេសកកម្មហោះហើរលើកទីប្រាំមួយនៃកម្មវិធីយានអវកាសដែលមានមនុស្សបើករបស់ចិនក្នុងឆ្នាំនេះនិងជាការហោះហើរចុងក្រោយនៃដំណាក់កាលសាងសង់ស្ថានីយអវកាសរបស់ចិន។
ក្នុងអំឡុងពេលស្នាក់នៅក្នុងគន្លងរបស់ពួកគេ អវកាសយានិករបស់យាន Shenzhou-15 នឹងប្តូរវេនជាមួយអវកាសយានិកបីនាក់របស់យាន Shenzhou-14 នៅក្នុងគន្លងនិងធ្វើជាសាក្សីការមកដល់នៃយានដឹកទំនិញ Tianzhou-6 និងយានអវកាស Shenzhou-16 ។ ពួកគេក៏នឹងមានការប្រគល់ការងារជាមួយអវកាសយានិករបស់យាន Shenzhou-16នៅក្នុងគន្លងតារាវិថីផងដែរ។
លោកបានបន្ថែមថា អ្នកទាំងបីនឹងស្ថិតនៅក្នុងគន្លងគោចររយៈពេលប្រាំមួយខែ ហើយត្រឡប់មកផែនដីវិញក្នុងខែឧសភាឆ្នាំក្រោយតាមផែនការ។
ក្នុងអំឡុងបេសកកម្មនេះ អវកាសយានិករបស់យាន Shenzhou-15នឹងអនុវត្តការផ្ទៀងផ្ទាត់ការស្នាក់នៅរយៈពេលវែងនៅក្នុងស្ថានីយអវកាសរបស់ចិនតាមការកំណត់រចនាសម្ពន្ធយានទាំងបីរបស់ខ្លួន។ ពួកគេក៏នឹងដោះសោ ដំឡើង និងសាកល្បងទូពិសោធន៍វិទ្យាសាស្ត្រចំនួន ១៥ ហើយអនុវត្តការពិសោធនិងការធ្វើតេស្តិ៍ជាង ៤០ នៅក្នុងវិស័យស្រាវជ្រាវវិទ្យាសាស្ត្រអវកាស និងការអនុវត្តផ្ទាល់ វេជ្ជសាស្ត្រអវកាស និងបច្ចេកវិជ្ជាអវកាស៕
អវកាសយានិកចិន លោក ហ្វី ជុនឡុង (ឆ្វេង) លោក តេង ឈីងមីង (កណ្តាល) និង លោក ចាង លូ