Views: 2
ប្រែសម្រួលៈបំណង(ស្ពុតនិច)៖ទាហានរថក្រោះអ៊ុយក្រែនបានទៅដល់អង់គ្លេសសំរាប់ការហ្វឹកហាត់ប្រើរថក្រោះChallenger 2ដែលរដ្ឋាភិបាលទីក្រុងឡុងដ៍មានផែនការបញ្ជូនអោយកងកម្លាំងអ៊ុយក្រែននៅរដូវរំហើយខាងមុខ នេះបើតាមការជូនដំណឹងរបស់ក្រសួងការពារជាតិអង់គ្លេសកាលពីថ្ងៃអាទិត្យ។
ក្រសួងបាននិយាយថា« ទាហានរថក្រោះអ៊ុយក្រែនបានមកដល់អង់គ្លេសដើម្បីចាប់ផ្តើមហ្វឹកហាត់…អង់គ្លេសនឹងផ្តល់រថក្រោះChallenger 2ដល់អ៊ុយក្រែនរួមជាមួយប្រជាជាតិជាដៃគូនៅក្នុងពិភពលោក ដែលវាឆ្លុះបញ្ចាំងអំពីកម្លាំងគាំទ្រអ៊ុយក្រែនជាអន្តរជាតិ»។
សូមរំលឹកថាកាលពីថ្ងៃ១៥មករា នាយករដ្ឋមន្ត្រីអង់គ្លេសលោក រីស៊ី ស៊ូណាក់ បានប្រកាសថាអង់គ្លេសនឹងផ្តល់រថក្រោះChallenger 2ចំនួន១៤គ្រឿងដល់អ៊ុយក្រែន ហើយកាលពីសប្តាហ៍មុអនុរដ្ឋមន្ត្រីការពារជាតិអង់គ្លេសលោកអាឡិច ឆក(Alex Chalk)បាននិយាយថារថក្រោះប្រយុទ្ធទាំងនេះអាចនឹងប្រគល់នៅចុងខែមីនាហើយទាហានអ៊ុយក្រែននឹងចាប់ផ្តើមហ្វឹកហាត់នៅថ្ងៃ៣០មករា។
អាល្លឺម៉ង់ក៏សន្យាប្រគល់រថក្រោះធុនធ្ងន់Leopard 2A6ចំនួន១៤គ្រឿងដល់អ៊ុយក្រែនផងដែរនិងបានអនុញ្ញាតអោយប្រទេសដៃគូក្នុងអឺរ៉ុបប្រគល់រថក្រោះផលិតនៅអាល្លឺម៉ង់នេះផងដែរដល់អ៊ុយក្រែន។អាម៉េរិកបាននិយាយថាខ្លួននឹងប្រគល់រថក្រោះ Abramsចំនួន៣១គ្រឿង។
តាំងពីមុនការសំរេចប្រគល់រថក្រោះប្រយុទ្ធធុនធ្ងន់ទាំងនេះ រដ្ឋមន្ត្រីការបរទេសរុស្ស៊ីបានព្រមានថាការដឹកជញ្ជូនគ្រឿងសព្វាវុធរបស់លោកខាងលិចនៅលើទឹកដីអ៊ុយក្រែននឹងជាគោលដៅវាយប្រហារស្របច្បាប់របស់កងកម្លាំងរុស្ស៊ី៕
អង់គ្លេសនឹងផ្តល់រថក្រោះChallenger 2ចំនួន១៤គ្រឿងដល់អ៊ុយក្រែន
