Views: 2
ដោយ: ចាន់តូ / ភ្នំពេញ: កំណាត់ដែក ជាច្រើនដើមបានធ្លាក់ពីលើ អគារដុនដូរមួយកន្លែង ដែលកំពុងតែសាងសង់នៅជាប់សាលាខណ្ឌទួលគោក បណ្តាលអោយមេការម្នាក់បានរងរបួសធ្ងន់ ត្រូវបានបញ្ជូន ទៅសង្គ្រោះ និងរថយន្ត ចំនួន ៣គ្រឿងបានរងការខូចខាត ។ នៅវេលាម៉ោង ១១និង១០នាទី ថ្ងៃទី០៨ ខែសីហា ឆ្នាំ២០២២ នៅចំណុចអាគារខុនដូរ យីហោ «W» ដែលស្ថិតនៅជាប់របងសាលាខណ្ឌទួលគោកផ្នែកខាងត្បូង តាមបណ្ដោយផ្លូវ លេខ៥៩៦ កែងផ្លូវលេខ៣២៩ ភូមិ៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។
តាមព័ត៌មានបានអោយដឹងថា នៅមុនពេលកើតហេតុ ខណះពេល ដែល ក្រុមជាងកំពុងតែ ធ្វើការស្រាប់តែ កំណាត់ដែក ជាច្រើនដើមបានធ្លាយ ពីលើ អាគាខុនដូរ មកក្រោម បណ្តាលអោយត្រូវក្បាលមេការម្នាក់បានរងរបួសធ្ងន់។ ក្រៅពីនោះ ក៍បានត្រូវរថយន្ត ចំនួន ៣គ្រឿង ដែលចតនៅខាងក្រោម នោះរួមមានរួមមានរថយន្តរបស់ការដ្ឋាន មួយគ្រឿង ,រថយន្តរបស់គណៈបញ្ជាការឯកភាពខណ្ឌទួលគោកមួយគ្រឿង និងរថយន្តរបស់ពលរដ្ឋបានរងការខូចខាត។ នៅក្នុងហេតុការណ៍នោះកំណាត់ដែកអន្ទារ ជាច្រើនដើមបានធ្លាក់រាយលើដងផ្លូវព្រមទាំងធ្លាក់ចូលទៅក្នុងរបងផ្ទះរបស់ប្រជាពលរដ្ឋ ផងដែរ។
ទោះបី ជាយ៉ាងណា គេពុំដឹងថា បណ្តាលមកពីមូលហេតុ អ្វីនោះទេ បានជាដែកធ្លាក់ពីលើអគារដុនដូរបែបនេះ។
គួរបញ្ជាក់ ថា កន្លងមកទីតាំងខុនដូរនេះ ត្រូវបានអាជ្ញាធរខណ្ឌ ទួលគោក ចុះត្រួតពិនិត្យ ម្តង មកហើយ កាលពីព្រឹកថ្ងៃទី១៣ ខែកក្កដា ឆ្នាំ២០២២បន្ទាប់ពីប្រជាពលរដ្ឋ ប្តឹងចោទប្រកាន់ថា ដុនដូរនេះបានសង់រំលោភលើចិញ្ចើមផ្លូវ, បង្កការកកស្ទះចរាចរណ៍, និងសាងសង់មិនគោរពទៅតាមបទដ្ឋាន បច្ចេកទេស ត្រឹមត្រូវ ជាហេតុបង្កអោយកើតមានគ្រោះថ្នាក់ដល់ពលរដ្ឋអ្នកធ្វើដំណើរ។
បន្ទាប់ពីត្រួតពិនិត្យ លោក ទៀវ សំអឿន អភិបាលរងខណ្ឌទួលគោកក៏បានធ្វើការអប់រំណែនាំដល់ម្ចាស់ការដ្ឋានដាក់សំណាញ់និងរបាំងដែក ការពារសម្ភារះធ្លាក់ជាហេតុបង្កការគ្រោះថ្នាក់ ដល់អ្នកដំណើរ ក៍ដូចជាប្រជាពលរដ្ឋ រស់នៅជុំវិញ តែម្ចាស់ ហាក់ដូចជាមិនបានយកចិត្តទុកដាក់ នោះឡើយ ៕
