អាមេរិក-ចិន ៖ សហរដ្ឋអាមេរិកបានបា.ញ់ទម្លាក់បាល់ឡុងហោះមួយរបស់ចិន កាលពីថ្ងៃទី៤កុម្ភៈ ក្រោយពីបាល់ឡុងនោះហោះហើរក្នុងដែនអាកាសខ្លួន ចាប់តាំង ពីថ្ងៃទី៣កុម្ភៈមក។ នេះជាការអះអាងរបស់បណ្ដាសារព័ត៌មានអាមេរិក។ គួររំលឹកថា អាមេរិកចោទចិន រឿងបង្ហោះបាឡុងចារកម្មលើទីតាំងសំខាន់របស់ខ្លួន
មុននេះការហោះហើររបស់បណ្ដាយន្តហោះត្រូវបានផ្អាក នៅព្រលានយន្តហោះ៣នាភាគអាគ្នេយ៍សហរដ្ឋអាមេរិក ដែលនោះជាវិធានការសន្តិសុខជាតិ។ ប្រធានាធិបតីអាមេរិកលោកចូបៃដិនធ្លាប់បានប្រាប់ថា យើងត្រូវយកចិត្តទុកដាក់ចំពោះរឿងនោះ។ សហរដ្ឋអាមេរិកបានបា.ញ់ទម្លាក់បាល់ឡុងមួយហើយកាលពីថ្ងៃទី៤កុម្ភៈ។
បាល់ឡុងហោះនេះដែលមន្ទីរប៉ង់តាហ្គោនអះអាងថាជាបាល់ឡុងចារកម្មចិន ត្រូវបានកងទ័ពអាមេរិកបា.ញ់ទម្លាក់ ពិលើដែនទឹកនៃឆ្នេរសមុទ្រខាងកើតរបស់អាមេរិក។ នេះបើតាមទូរទស្សន៍អាមេរិកFOX NEWS និង CNN។
តាមវីដេអូចេញផ្សាយដោយបណ្ដាទូរទស្សន៍អាមេរិក បាល់ឡុងនោះហាក់ដូចជាធ្លាក់ត្រង់តែម្ដងចូលក្នុងសមុទ្រ។ ទីភ្នាក់ងារអាកាសចរណ៍ស៊ីវិលអាមេរិកFAAនិយាយថា ចរាចរណ៍ផ្លូវអាកាសត្រូវបានផ្អាកមុននេះ នៅព្រលានយន្តហោះ៣ភាគអាគ្នេយ៍សហរដ្ឋអាមេរិក ដើម្បីសន្តិសុខជាតិ។ FAAបានផ្អាកជើងហោះហើរចេញនិងចូលព្រលានយន្តហោះវីលមិញតុន រដ្ឋការ៉ូលីនខាងជើង ព្រលានយន្តហោះអន្តរជាតិMYRTLE BEACCH និងព្រលានយន្តហោះអន្តរជាតិCHARLESTON រដ្ឋការ៉ូលីនខាងត្បូង ក្នុងក្របខណ្ឌនៃវិធានការសន្តិសុខជាតិប្រកាន់យកដោយក្រសួងការពារប្រទេសអាមេរិក។ តាមបណ្ដាសារព័ត៌មានអាមេរិកថា ក្រុងវ៉ាស៊ីនតោនគ្រោងបាញ់ទម្លាក់បាល់ឡុងហោះនោះពីលើមហាសមុទ្រអត្លង់ទិន។
ក្រោយពីប្រទះឃើញបាល់ឡុងហោះចិនពីលើដែនដីខ្លួន មន្ទីរប៉ង់តាហ្គោនប្រកាសអាសន្នពីវត្តមាននៃបាល់ឡុងហោះមួយទៀត នៅពីលើដែនអាកាសអាមេរិកឡាទីនកាលពីថ្ងៃទី៣កុម្ភៈ។
តាមក្រុងប៉េកាំងថា ឧប្បត្តិហេតុនោះត្រូវបានអាមេរិកយកធ្វើជាលេស ដើម្បីមួលបង្កាច់ចិន។ រឿងបាល់ឡុងហោះនោះ រដ្ឋមន្ត្រីការបរទេសអាមេរិកលោកANTONY BLINKEN បានពន្យារពេលបំពេញទស្សនកិច្ចរបស់លោកគ្រោងធ្វើនៅចិន។
អាជ្ញាធរចិនសម្ដែងការសោកស្ដាយ ចំពោះការហោះចូលដោយអចេតនានៃបាល់ឡុងនោះក្នុងដែនអាកាសអាមេរិក ដែលក្រុងវ៉ាស៊ីនតោនយល់ថា មិនអាចទទួលយកបាន ហើយសម្រេចកាលពីថ្ងៃទី៣កុម្ភៈ លុបចោលទស្សនកិច្ចរបស់លោកBLINKEN នៅចិន ដែលគ្រោងធ្វើនាថ្ងៃទី៥និងទី៦កុម្ភៈ៕
