Views: 1
ដោយ: សុខុម / រតនគិរីៈ ទូកមួយគ្រឿងបានលិចនៅទន្លេស្រែពក បាត់ខ្លួនមនុស្សម្នាក់ និងម៉ូតូចំនួន ៤គ្រឿង នៅវេលាម៉ោងជាង ៧ ព្រឹកថ្ងៃទី ១០ ខែសីហា ឆ្នាំ២០២២ នៅត្រង់ចំណុចកំពង់ចម្លង ម្ចាស់ឈ្មោះ ភោគ បូរិទ្ធ ស្ថិតនៅភូមិ៥ ឃុំត្រពាំងច្រេស ស្រុកកូនមុំ ខេត្តរតនគិរី ។
នគរបាលខេត្តរតនគិរី បានឱ្យដឹងថាៈ ករណីលិចទូក ខាងលើនេះ បណ្តាលមកពីទូក ផ្ទុកលើសទម្ងន់ គឺលើទូកមានមនុស្ស ១២ នាក់ ស្រី ៦ នាក់ និងម៉ូតូ ៤ គ្រឿង ហើយបើកប
រចំកន្លែងទឹកកួចខ្លាំង ធ្វើឱ្យទូកលិចតែម្តង។ ក្នុងហេតុការណ៍នេះ បណ្តាលឱ្យបាត់ខ្លួន មនុស្សម្នាក់។ ចំណែក ១១ នាក់ទៀត ត្រូវបានជួយសង្គ្រោះទាន់ពេល។
ជនរងគ្រោះដែលបានបាត់ខ្លួន មានឈ្មោះ ជី សឿង ភេទប្រុស អាយុ ៤៧ ឆ្នាំ ជនជាតិខ្មែរ មុខរបរ កសិករ មានទីលំនៅ ភូមិ៥ ឃុំត្រពាំងច្រេស ស្រុកកូនមុំ ខេត្តរតនគិរី និងលិចបាត់ ម៉ូតូ ៤ គ្រឿង រួមមាន ម៉ូតូម៉ាក ហុងដា ឌ្រីម ២ គ្រឿង និងម៉ូតូ ម៉ាកហុងដា វេវ (ឆ្លាម) ២ គ្រឿង។
កម្លាំងអធិការដ្ឋាននគរបាល ស្រុកកូនមុំ កំពុងស្វែងរកអ្នកដែលបានបាត់ខ្លួន ដោយរកមិនទាន់ឃើញនៅឡើយ មកដល់រសៀល ថ្ងៃទី១០ ខែសីហា ឆ្នាំ២០២២៕/V
