Views: 1
ប្រែសម្រួល : កញ្ញាដាលីស (ប៊ីប៊ីស៊ី) ៖ ក្រុមស្ករគ្រាប់ Everton បានចុះហត្ថលេខាទិញខ្សែបម្រើសញ្ជាតិបែលហ្ស៊ិក អាម៉ាឌូ អូណាណា (Amadou Onana) ពី Lille ក្នុងតម្លៃ ៣៣ លានផោន (៣៩,៨៧ លានដុល្លារ)។
កីឡាករវ័យ ២០ ឆ្នាំរូបនេះបានស្ថិតនៅកីឡដ្ឋាន Goodison Park កាលពីថ្ងៃសៅរ៍ដើម្បីមើលបរាជ័យ ១-០ របស់ Everton ក្រោមថ្វីដៃ Chelsea ក្នុងការប្រកួតបើកឆាក Premier League នៃរដូវកាលរបស់ពួកគេ។
West Ham ក៏ចាប់អារម្មណ៍លើអូណាណាដែរ ហើយបានយល់ព្រមលើតម្លៃខ្លួនសម្រាប់កីឡាកររូបនេះទៀតផង។
អូណាណាបានប្រាប់ទូរទស្សន៍ EvertonTV ថា “វាមានអារម្មណ៍ល្អណាស់ក្នុងការចូលរួមជាមួយ Everton។ ខ្ញុំដឹងថាវាជាក្លឹបធំមួយនៅក្នុងប្រទេសអង់គ្លេស។ វាជាអ្វីដែលខ្ញុំចង់ក្លាយជាផ្នែកមួយអស់ជាច្រើនឆ្នាំមកហើយ”។
អូណាណាបានក្លាយជាកីឡាករទីប្រាំរបស់ Everton នៅរដូវក្តៅនេះ បន្ទាប់ពីកីឡាករ ជែមស៍ ថាកូវស្គី (James Tarkowski) កីឡាករ ដ្វាយ ម៉ាកនីល (Dwight McNeil) និងកីឡាករខ្ចីជើងទាំងទ្វេ រ៉ូបិន វីណាហ្គ្រេ (Ruben Vinagre) និង ខូន័រ ខូឌី (Conor Coady)៕
អាម៉ាឌូ អូណាណា ក្លាយជាកីឡាករទី៥របស់ Everton នៅរដូវកាលថ្មីនេះ
