Views: 4
ប្រែសម្រួល : កញ្ញាដាលីស (ប៊ីប៊ីស៊ី) ៖ ក្រុមស្ករគ្រាប់ Everton បានចុះហត្ថលេខាខ្ចីជើងខ្សែការពារកណ្តាលសញ្ជាតិអង់គ្លេស ខូន័រ ខូឌី (Conor Coady) មួយរដូវកាលពេញ។
Everton បានបាត់បង់ខ្សែការពារ បិក ហ្គតហ្វ្រេ (Ben Godfrey) និង យើរី មីណា (Yerry Mina) ដោយសាររបួសក្នុងពេលចាញ់ Chelsea នៅថ្ងៃបើកឆាក Premier League របស់ពួកគេកាលពីថ្ងៃសៅរ៍។
ខូឌី ដែលកើតនៅតំបន់មឺសីសាយ (Merseyside) បាននិយាយថា “នៅពេលដែលខ្ញុំបានឮចំណាប់អារម្មណ៍នេះភ្លាម ខ្ញុំពិតជាចង់ក្លាយជាផ្នែកមួយនៃក្លិបនេះភ្លែត។ខ្ញុំរំភើបខ្លាំងណាស់ក្នុងការចូលរួម”។
កីឡាករវ័យ ២៩ ឆ្នាំរូបនេះបាននិយាយថា រូបគេ “អន្ទះសារ” ចង់ចូលរួមណាស់ ដោយបន្ថែមថា “វាជាថ្ងៃដ៏សំខាន់ និងជាថ្ងៃមោទនភាពសម្រាប់ខ្ញុំ”។
ខូឌី បានប្រាប់ទូរទស្សន៍ EvertonTV ថា “ខ្ញុំដឹងថាវាធំប៉ុនណា ហើយខ្ញុំដឹងថាមនុស្សស្រឡាញ់ Everton ខ្លាំងប៉ុនណា។ ខ្ញុំនឹងផ្តល់អ្វីគ្រប់យ៉ាងជារៀងរាល់ថ្ងៃសម្រាប់ក្លឹបបាល់ទាត់នេះ។ ខ្ញុំមានអារម្មណ៍ឯកសិទ្ធិនិងសំណាងណាស់ដែលទទួលបានឱកាសនេះ”៕
ខូន័រ ខូឌី ចូលរួមជាមួយ Everton ក្នុងលក្ខខណ្ឌខ្ចីជើងពេញមួយរដូវកាល
