Views: 1
ប្រែសម្រួល : កញ្ញាដាលីស (ដេល្លីម៉េល) ៖ បញ្ជីឈ្មោះដ៏វែងរបស់តារាល្បីៗដែលផ្សព្វផ្សាយរូបិយប័ណ្ណគ្រីបតូ (លុយអេឡិចត្រូនិក) កំពុងរួញខ្លីទៅៗ។ នាង គីម កាដាសៀន (Kim Kardashian)ត្រូវបានហាមឃាត់មិនឱ្យធ្វើដូច្នេះរយៈពេលបីឆ្នាំ ហើយនឹងត្រូវបង់ប្រាក់ពិន័យ ១ លានដុល្លារ ដើម្បីដោះស្រាយការចោទប្រកាន់របស់សហព័ន្ធថា នាងបានណែនាំអំពីសុវត្ថិភាពលុយគ្រីបតូដល់អ្នកតាមដាន Instagram របស់នាងចំនួន ៣៣០ លាននាក់ ដោយមិនបានបញ្ជាក់ច្បាស់ថា នាងត្រូវបានគេបង់ប្រាក់ឱ្យធ្វើដូច្នេះ។
តារាទូរទស្សន៍រូបនេះក៏ត្រូវលះបង់ចោលប្រាក់ចំនួន ២៥ ម៉ឺនដុល្លារ ដែលនាងទទួលបានសម្រាប់ការបង្ហោះសារលើ Instagram អំពីលុយអេឡិចត្រូនិក Ethereum Max បូកនឹងការប្រាក់ផងដែរ នេះបើយោងតាមការដោះស្រាយរបស់គណៈកម្មការមូលបត្រ (SEC) ដែលបានប្រកាសកាលពីថ្ងៃចន្ទ។
នាងកាដាសៀនគឺជាតារាល្បីចុងក្រោយគេដែលជាប់នៅក្នុងបទប្បញ្ញត្តិនានា ដែលតម្រូវឱ្យមានការលាតត្រដាងពេញលេញដោយមនុស្សដែលទទួលប្រាក់គេ ដើម្បីផ្សព្វផ្សាយផលិតផលហិរញ្ញវត្ថុ។
ក្នុងឆ្នាំ ២០២០ តារាសម្តែង ស្តេវិន ស៊ីហ្គាល់ (Steven Seagal) បានយល់ព្រមបង់ប្រាក់ជាង ៣០ ម៉ឺនដុល្លារ ជាផ្នែកនៃការដោះស្រាយស្រដៀងគ្នាជាមួយ SECដែលបានហាមឃាត់គាត់ពីការផ្សព្វផ្សាយការវិនិយោគរយៈពេលបីឆ្នាំ៕
នាងកាដាសៀនត្រូវបាន SEC ផាក១លានដុល្លារពីបទផ្សាយលុយអេឡិចត្រូនិក
