Views: 3
ដោយៈប.ខុន,ប.ជ័យ/ភ្នំពេញ៖ ស្ថានភាពជំនន់ទឹកភ្លៀងហូរធ្លាក់មកពីតាមព្រំដែនដោយសារមានភ្លៀងធ្លាក់ច្រើនបន្តបន្ទាប់មកបានធ្វើឱ្យគ្រប់អូរស្ទឹងនិងអាងទឹកក្នុងភូមិសាស្ត្រខេត្តបន្ទាយមានជ័យហក់ឡើងដល់កម្រិតត្រូវប្រកាសឱ្យមានការប្រុងប្រយ័ត្ន។ប៉ុន្តែទោះជាយ៉ាងណាមិនទាន់មានទំនប់អាងទឹកណាមួយត្រូវបានបាក់ដាច់ដោយសារទឹកជំនន់ជាច្រើនថ្ងៃមកហើយនោះទេ។
លោក យឹម ប៊ុនរ៉ុម ប្រធានមន្ទីរធនធានទឹកនិងឧតុនិយមខេត្តបន្ទាយមានជ័យបានប្រាប់ឱ្យរស្មីកម្ពុជាដឹងនៅថ្ងៃ ទី៧ខែតុលាឆ្នាំ២០២២ថាស្ថានភាពជំនន់ទឹកភ្លៀងហូរធ្លាក់មកពីតាមព្រំដែនដោយសារមានភ្លៀងធ្លាក់ច្រើនបន្តបន្ទាប់មកបានធ្វើឱ្យគ្រប់អូរស្ទឹងនិងអាងទឹកក្នុងភូមិសាស្ត្រខេត្តបន្ទាយមានជ័យហក់ឡើងដល់កម្រិតត្រូវប្រកាសឱ្យមានការប្រុងប្រយ័ត្ន។តែទោះជាយ៉ាងណាមិនទាន់មានទំនប់អាងទឹកណាមួយត្រូវបានបាក់ដាច់ដោយសារទឹកជំនន់ជាច្រើនថ្ងៃមកហើយនោះទេ។
ប្រធានមន្ទីររូបនេះបានឱ្យដឹងទៀតថា ទឹកធ្លាក់មកពីតាមព្រំដែននៅពេលនេះនៅតែមានបរិមាណច្រើនជាពិសេស នៅអាងអូរខៃដន ទឹកឡើងខ្ពស់ជាងទំនប់របស់អាងតែមិនបានធ្វើឱ្យទំនប់នេះបាក់ដាច់ទេដោយសារក្រុមការងារ
ចម្រុះបានច្រកបាវដីខ្សាច់ទប់មិនឱ្យទឹកហូរលើខ្នងទំនប់។ចំណែកអាងត្រពាំងថ្មដែលមានទឹកឡើងខ្ពស់លើស កម្រិតរក្សាទុកនោះក៏មិនមានបញ្ហាដែរដោយសារទ្វារទឹកបានបើកចំហនិងមានគ្រឿងចក្រប្រចាំការចាំអន្តរាគមន៍២៤ម៉ោង។
ខាងក្រោមនេះជាស្ថានភាពទឹកអូរស្ទឹងនិងអាងនៅក្នុងខេត្តបន្ទាយមានជ័យសម្រាប់ថ្ងៃទី៧ខែតុលាដោយច្រកទឹកអូរស្ពាន ស្រុកម៉ាឡៃទឹកស្រកវិញ។ទឹកស្រកទឹកស្រុងចុះដល់ភូមិបឹងជង្រុក តេជោឈ្នៈឈ្នៈ នៅឃុំទួលពង្រ ស្រុកម៉ាឡៃ និងទឹកហូរស្រុងដល់វាលសាយសាម៉ន ស្រុកមង្គលបូរីនិងហូរតាមអូរល្ហុងនៅក្រុងប៉ោយប៉ែត។
.ទឹកអូរល្ហុងនៅក្រុងប៉ោយប៉ែតមានកម្រិតកម្ពស់៥,៥២ម៉ែត្រលើសកម្រិតត្រូវប្រកាសឱ្យមានការប្រុងប្រយ័ត្ន០,០២ម៉ែត្រ។
.ទឹកអូរបីជាន់ទឹកឡើងដល់កម្រិតកម្ពស់៣,៤៩ម៉ែត្រខ្វះ០,០១ម៉េត្រដល់កម្រិតត្រូវប្រកាសឱ្យមានការប្រុងប្រយ័ត្ន។
.ទឹកអូរកំបុតឡើងដល់កម្រិតកម្ពស់៥,០១ម៉ែត្រនៅខ្វះ០,១៩ម៉ែត្រឡើងដល់កម្រិតត្រូវប្រកាសឱ្យមានការប្រុងប្រយ័ត្ន។
.ទឹកស្ទឹងក្រុងសិរីសោភ័ណឡើងដល់កម្រិតកម្ពស់៧,៥១ម៉ែត្រលើសកម្រិតត្រូវប្រកាសឱ្យមានការប្រុងប្រយ័ត្ន០,០១ម៉ែត្រ។
.ទឹកស្ទឹងស្ពានស្រែង មានកម្ពស់១៣,៤៩ម៉ែត្រ ទាបជាងកម្ពស់ត្រូវប្រកាសឱ្យមានការប្រុងប្រយ័ត្ន០,០១ម៉ែត្រ។
ទឹកអាងត្រពាំថ្មឡើងដល់កម្រិតកម្ពស់១៧,៤១ម៉ែត្រ លើសកម្រិតកម្ពស់០,០១ម៉ែត្រ៕សរន / N
