Views: 1
ប្រែសម្រួល : កញ្ញាដាលីស (ដេល្លីម៉េល) ៖ គ្រូបង្វឹកប្រេស៊ីលលោកទីតេ(Tite)សង្ឃឹមថា នីម៉ានឹងជាសះស្បើយអាចបន្តការប្រកួតវើលខាប់ បន្ទាប់ពីរូបគេបានរងរបួសកជើងក្នុងការប្រកួតបើកឆាកឈ្នះ ២-០ លើក្រុមស៊ែប៊ី។
រីឆាលីសុន (Richarlison) បានស៊ុតបញ្ចូលទីទាំងពីរគ្រាប់ ដែលគ្រាប់ទីពីរគឺជាការហក់ទាត់វ៉ូឡេដ៏អស្ចារ្យ ប៉ុន្តែគ្រាប់បាល់នេះត្រូវបានគ្របដណ្ដប់ដោយនីម៉ាដើរប៉ាំងខ្ញើកចេញពីទីលាន។
ខ្សែប្រយុទ្ធរូបនេះបានជួបបញ្ហាកជើងក្នុងពេលកន្លងមក ប៉ុន្តែលោកទីតេមិនជឿថាបញ្ហានេះមានសភាពធ្ងន់ធ្ងរទេ ដោយប្រាប់សន្និសីទសារព័ត៌មានថា “យើងមានទំនុកចិត្តថា នីម៉ានឹងបន្តលេងនៅវើលខាប់”។
វេជ្ជបណ្ឌិតប្រេស៊ីល លោក រ៉ូឌ្រីហ្គោ ឡាស្មា (Rodrigo Lasmar) បានបន្ថែមថា “យើងត្រូវរង់ចាំ ២៤-៤៨ ម៉ោងដើម្បីធ្វើការវាយតម្លៃកាន់តែប្រសើរ។ យើងមិនបានកំណត់ពេលថត MRI ទេ ហើយថ្ងៃស្អែកយើងនឹងមានការវាយតម្លៃថ្មី”។
ខ្សែការពារដានីឡូ (Danilo) ក៏មានរបួសកជើងដែរ ដោយឃើញដើរប៉ាំងខ្ញើកនៅនាទីចុងក្រោយ៕
នីម៉ាយកដៃទប់កជើងដែលមានរបួស និងបន្ទាប់មកអង្គុយមើលក្រុមបន្តប្រកួត
