Views: 18
ឆ្នាំជូត
រាសីស្រុតចុះ។ការរស់នៅចូរប្រយ័ត្នមានការខូចខាតទ្រព្យសម្បត្តិខ្លះៗកើតឡើងដោយសារការធ្វេសប្រហែសអ្វីមួយ។នៅថ្ងៃនេះលោកអ្នកធ្វើអ្វីតែងមិនសម្រេចដូចគាប់បំណងប៉ុន្មានទេ ពិសេសងាយកើតបញ្ហានាពេលក្រោយថែមទៀត។ចំពោះលោកអ្នកដែលចង់ពង្រីកមុខរបររកស៊ីជួញដូរគឺពុំសូវទទួលផលប្រយោជន៍អ្វីឡើយគឺបានត្រឹមមួយបង់កម្លាំងច្រើនជាង។
សម្ព័ន្ធស្នេហាកំលោះក្រមុំបើលោកអ្នកមានជម្លោះវិវាទ ហើយចង់ធ្វើការដោះស្រាយទាល់តែខិតខំខ្លាំងទើបអាចមានភាពផ្អែមល្ហែមដូចដើមវិញ៕
ឆ្នាំឆ្លូវ
រាសីល្អជាមធ្យម។នៅថ្ងៃនេះបើលោកអ្នកចង់ធ្វើអ្វីមួយតែងមានភាពសុខកាយសប្បាយចិត្តមួយចំនួនត្រឡប់មកវិញ។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្ត ទាំងពេលទៅនិងត្រឡប់មកវិញ។ការប្រកបកិច្ចការងារបើបម្រុងលិចក៏ត្រូវអណ្តែតឡើងវិញ មិនជួបស្ថានភាពលំបាកខ្លាំងណាមួយសោះឡើយ។អ្នកប្រកបរបររកស៊ីជួញដូរមានការទិញចូលលក់ចេញគ្រាន់បើហើយពិសេសបើមានបើករបរថ្មីៗផងល្អប្រពៃដោយអាចរកផលចំណូលគ្រាន់ចិញ្ចឹមឆ្នាំងបាយរស់។
រីឯបញ្ហាសេចក្តីស្នេហាកំលោះក្រមុំមានការស្រស់ស្រាយនិងផ្អែមល្ហែមល្អប្រពៃណាស់ផង៕
ឆ្នាំខាល
រាសីខ្ពស់ត្រដែត។លោកអ្នកបើចង់ដោះស្រាយ ឬចង់ចរចាអ្វីមួយជាមួយអ្នកដទៃតែងអាចទម្លុះទម្លាយជោគជ័យជាក់ពុំខាន ។ក្នុងថ្ងៃនេះដោយសារដួងរាសីឡើងខ្ពស់ ដូចនេះផ្តល់ផលល្អសម្រាប់លោកអ្នកទំនាក់ទំនងការងារផ្នែកខាងក្រៅពីព្រោះផលតែងឆ្លើយតបមកវិញនាពេលក្រោយវិញជានិច្ច។ចំពោះអ្នកប្រកបរបររកស៊ីជួញដូរ មានភាពកាក់កបគួរសមទាំងការជួញទីជិតឆ្ងាយដោយអាចប្រមូលផលចំណូលត្រឡប់មកផ្ទះវិញដូចជាទីពេញចិត្តគួរសម។
សម្ព័ន្ធស្នេហាកំលោះក្រមុំពុំគប្បីលលេងជាមួយល្បែងកាមគុណប្រយ័ត្នជួបព្យុះជីវិតនាថ្ងៃខាងមុខចៀសពុំរួច ហើយត្រូវមកខូចអនាគតភ្លឺស្វាងឥតអំពើនោះ៕
ឆ្នាំថោះ
រាសីស្រុតចុះ។ក្នុងគ្រួសារងាយផ្ទុះបញ្ហាជាងសព្វមួយដង ម្ល៉ោះហើយត្រូវចេះអត់ឱន និងបើកចិត្តទូលាយបន្តិចទើបគ្មានបញ្ហាចោទឡើង។នៅថ្ងៃនេះដែរដោយសារដួងរាសីស្រុតចុះ ម្ល៉ោះហើយបើមានការប្រកបការងារអ្វីត្រូវចេះមើលមុខក្រោយ និងប្រយ័ត្នប្រយែង ហើយមិនត្រូវប្រកបកិច្ចការងារដែលសំខាន់ឡើយបើពុំនោះផលលំបាកអាចកើតមានគ្រប់ពេល។អ្នកប្រកបរបររកស៊ីជួញដូរវិញបើគិតចង់ធ្វើជំនួញអ្វីមួយគប្បីមានការប្រយ័ត្នប្រយែងពុំនោះទេបើមានការចំណាយប្រាក់កាសធ្វើអ្វីមួយពិតជាត្រូវខាតអសារបង់ពុំខាន។
រីឯបញ្ហាសេចក្តីស្នេហាកំលោះក្រមុំមិនសូវចុះសម្រុងគ្នាឡើយព្រោះជារឿយៗតែងចង់ចាញ់ឈ្នះគ្នាជានិច្ច៕
ឆ្នាំរោង
រាសីស្រុតចុះ។នៅថ្ងៃនេះដំណើរជីវិតរបស់លោកអ្នកមិនល្អប្រសើរទេ ម្ល៉ោះហើយចូរប្រយ័ត្នបញ្ហាការដើរឆ្ងាយបន្តិចពីព្រោះថាងាយទទួលរងគ្រោះច្រើនជាងសព្វមួយដង។ទាំងស្ត្រីបុរសការប្រកបការងារតែងមានបញ្ហាច្រើន និង ធ្វើអ្វីមិនសូវសម្រេចដល់ចប់ចុងដើមប៉ុន្មានឡើយ។អ្នកប្រកបរបររកស៊ីជួញដូរវិញជួបបញ្ហាលំបាកក្នុងការរកប្រាក់ចំណូលបន្តិច ហើយពិសេសលោកអ្នកអាចជួបក្រុមមនុស្សបង្កបញ្ហាណាមួយផង ដូចនេះចូរចេះធ្វើចិត្តឱ្យត្រជាក់មិនអាចប្រើកំហឹងទល់កំហល់បានឡើយប្រយ័ត្នរឿងតូចក្លាយរីកជាធំ។
រីឯសេចក្តីស្នេហាកំលោះក្រមុំបើសិនមានជម្លោះវិវាទ ហើយមិនគិតគូរដោះស្រាយឱ្យទាន់ពេលប្រយ័ត្នឈានដល់ផ្លូវបំបែក៕
ឆ្នាំម្សាញ់
រាសីខ្ពស់ត្រដែត។ការរស់នៅរបស់មនុស្សយើងមានពេលខ្លះល្អ និង ពេលខ្លះទៀតមិនល្អជារឿងធម្មតា។ ហេតុនេះទោះធ្វើអ្វីៗបើមានបញ្ហាកើតឡើងលោកអ្នកតោងតែមិនព្រួយបារម្ភឬគិតច្រើននោះឡើយនិងត្រូវចេះតស៊ូជាមួយបញ្ហាទើបជីវិតនឹងផ្លាស់ប្តូរជាងនេះ។ថ្ងៃនេះបើមានការប្រកបការងារគឺមានភាពសុខដុម និងលោកអ្នកអាចទទួលកាដូអ្វីមួយផង។អ្នកប្រកបរបររកស៊ីជួញដូរ ពេលនេះ ប្រៀបដូចបានជា ”ភ្លៀងធ្លាក់មួយមេមេឃស្រទ្បះ”ព្រោះអាចកំចាត់រាល់ឧបទ្រពចង្រៃទាំងពួងឱ្យវិនាសជាអហោសិកម្មអស់ហើយលោកអ្នកអាចប្រកបមុខរបរពេញដៃពេញជើងទ្បើងវិញ។
រីឯបញ្ហាសេចក្តីស្នេហាកំលោះក្រមុំនៅថ្ងៃនេះមានការរីកលូតលាស់ទៅមុខនិងកំពុងផ្អែមល្ហែមល្អប្រពៃ៕
ឆ្នាំមមី
រាសីស្រុតចុះ។លោកអ្នកស្ថិតនៅក្នុងអំឡុងថ្ងៃដួងរាសីស្រុតចុះ ម្ល៉ោះហើយធ្វើឱ្យដំណើរជីវិតជួបនូវបញ្ហាប្រឈមច្រើនចំពោះមុខ។ការប្រកបការងារលោកអ្នកងាយទទួលរងក្រុមមនុស្សវាយប្រហារម្ល៉ោះហើយគប្បីប្រ័ត្នប្រយែងបន្តិច។សម្រាប់អ្នកប្រកបរបររកស៊ីជួញដូរនៅថ្ងៃនេះបើមានការចាប់ផ្តើមប្រកបការងារថ្មីឃើញថាមិនសូវមានការជឿនលឿនទៅមុខប៉ុន្មានទេតែបើប្រកបការងារអ្វីដែលចាស់ឃើញថាគាប់ប្រសើរជាង។
រីឯបញ្ហាសេចក្តីស្នេហាកំលោះក្រមុំមានការប្រឆាំង និង ចង់ចាញ់ឈ្នះគ្នាច្រើននាំឱ្យកើតការរកាំចិត្តមិនតិចនោះឡើយ៕
ឆ្នាំមមែ
រាសីខ្ពស់ត្រដែត។ថ្ងៃនេះដួងរាសីរបស់លោកអ្នកឡើងខ្ពស់ ដូចនេះធ្វើឱ្យមានជោគសិរី ហើយទោះធ្វើអ្វីក៏តែងមានភាពស្រស់ស្រាយគួរជាទីពេញចិត្ត។សម្រាប់ថ្ងៃនេះដែរបើលោកអ្នកចង់សម្រេចចិត្តធ្វើអ្វីមួយនោះផលល្អៗមួយចំនួនអាចនឹងល្អហួសពីការគិតទុកទៅទៀត។អ្នកប្រកបរបររកស៊ីជួញដូរការចេញធ្វើជំនួញមិនថា ផ្លូវគោក ផ្លូវទឹក ផ្លូវអាកាស ក្តីតែងមានភាពសុខដុម ហើយផលកម្រៃទៀតសោតបានគ្រាន់បំពេញបំពង់ជានិច្ច។
រីឯសេចក្តីស្នហាកំលោះក្រមុំមានការឆាប់ទាំងផ្អែមល្ហែម និងឆាប់ទាំងជម្លោះវិវាទផងដែរ៕
ឆ្នាំវក
រាសីល្អជាមធ្យម។ការរស់នៅពិសេសការធ្វើដំណើរទីជិតឆ្ងាយចូរប្រយ័ត្នក្រុមមនុស្សបង្កបញ្ហាមកឱ្យឬរោគជំងឺបៀតបៀនដោយប្រការណាមួយ។នៅថ្ងៃនេះលោកអ្នកអាចទទួលនូវភាព ក្តៅខ្លះ ត្រជាក់ខ្លះ ហើយការបំពេញការងារអ្វីមិនសូវជារលូនល្អទេព្រោះមានបញ្ហារកាំចិត្តខ្លះៗយាយី។សម្រាប់អ្នកប្រកបរបររកស៊ីជួញដូរក្នុងថ្ងៃនេះវិញបើលោកអ្នកចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយ បើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។
សម្ព័ន្ធស្នេហាកំលោះក្រមុំមានភាពផុយស្រួយជម្លោះវិវាទគួរប្រយ័ត្នប្រយែងពាក្សសម្តីបន្តិចទើបជាការប្រពៃបំផុត៕
ឆ្នាំរកា
រាសីស្រុតចុះ។ទាំងស្ត្រីបុរសការរស់នៅមានបញ្ហាច្រើនចូលយាយី ហើយពិសេសងាយរងគ្រោះថ្នាក់ដោយសារក្រុមមនុស្សទៀតផង។ចំណែកការធ្វើដំណើរគ្រប់ទិសទី ពិសេស បុរស មិនត្រូវសេពគប់បនល្បែងស្រីស្រាឡើយប្រយ័ត្នឥតការអ្វីសោះនាំឧបទ្រពចង្រៃដាក់ខ្លួន។ការប្រកបការងារលោកអ្នកត្រូវមើលមុខក្រោយ ហើយមិនត្រូវធ្វេសប្រហែសឡើយបើពុំនោះទេបញ្ហានឹងអាក្រក់ណាមួយរត់ចូលដោយមិនដឹងខ្លួនឡើយ។អ្នកប្រកបរបររកស៊ីជួញដូរការរកផលម្រៃជួបការលំបាក ហើយពិសេសក្រុមមនុស្សតាមព្យាបាទយាយីទៀតផង។
រីឯគូគ្រងប្តីប្រពន្ធ ឬ គូស្នេហ៍ប្រុសស្រីមានការរកាំចិត្តព្រោះតែម្នាក់ៗចិត្តខ្លាំងយកតែត្រូវរៀងៗខ្លួន៕
ឆ្នាំច
រាសីខ្ពស់ត្រដែត។ទាំងស្ត្រីបុរសរាល់ចង្រៃឧបទ្រពដែលធ្លាប់តែយាយីបានចាកចេញឆ្ងាយ ម្ល៉ោះហើយធ្វើឱ្យដំណើរជីវិតរលូន និង មានជោគមានជ័យជានិច្ច។ការធ្វើដំណើរទីជិតឆ្ងាយមានតែក្រុមមនុស្សជួយយកអាសារ និង គាំពារជានិច្ច។ដោយឡែកនៅថ្ងៃនេះការប្រកបការងារផ្តល់ផលល្អក្នុងការទំនាក់ទំនងការងារពីព្រោះថាផលល្អៗតែងឆ្លើយតបមកវិញគ្រាន់កក់ក្តៅ។អ្នកប្រកបរបររកស៊ីជួញដូរមានការទិញចូលលក់ចេញគួរសម ហើយទោះជួញទីជិតឆ្ងាយអាចរកផលកម្រៃចូលផ្ទះគ្រាន់ជាទីកក់ក្តៅ។
រីឯបញ្ហាសេចក្តីស្នេហាកំលោះក្រមុំមានការជឿនលឿនទៅមុខ និង ស្រស់ស្រាយប្រពៃ៕
ឆ្នាំកុរ
រាសីល្អជាមធ្យម។ថ្ងៃនេះបើមានការសម្រេចចិត្តអ្វីឬគិតធ្វើអ្វីតោងតែប្រយ័ត្នប្រយែងពីព្រោះថាបើគិតត្រូវផលល្អៗនឹងហុចមកវិញគ្រាន់ជាទីពេញចិត្តជានិច្ច។ក្រៅពីនេះលោកអ្នកឱ្យប្រយ័ត្នការបំពេញការងារ និងបញ្ហាប្រាក់កាសពីព្រោះងាយកើតមានរឿងរាវល្អក់កករច្រើនដែរ ម្ល៉ោះហើយគប្បីមានការអត់ធ្មត់។ចំពោះអ្នកប្រកបរបររកស៊ីជួញដូរនៅថ្ងៃនេះវិញមានការទិញចូលលក់ចេញគួរសម ឯ ផលកម្រៃទៀតសោតគ្រាន់ជាទីកក់ក្តៅ ។
រីឯបញ្ហាសេចក្តីស្នេហាប្រុសស្រីជួបរឿងប្រទាំងប្រទើសនិងចាប់កំហុសគ្នាច្រើន៕
