Views: 31
ឆ្នាំជូត
រាសីស្រុតចុះ។នៅថ្ងៃនេះការរស់នៅលោកអ្នកចូរ ប្រយ័ត្នក្រុមមនុស្សបង្កផលលំបាកអ្វីមួយឡើងមក នាំពិបាកដោះស្រាយ។ការប្រកបការងារទទួលរងការហត់នឿយ និងទទួលផលលំបាកច្រើនបន្តិច ម្ល៉ោះហើយគប្បីចេះតស៊ូអត់ធ្មត់ជាងនេះបន្តិចទើបប្រសើរ។បើជាអ្នកប្រកបរបររកស៊ីជួញដូរពុំសូវកាក់កបទេគឺលាភហេងច្រើនបោលហួសឬហោះរំលងជានិច្ច។
រីឯបញ្ហាស្នេហាកំលោះក្រមុំមានការរីកលូតលាស់ទៅមុខយឺត ហើយក៏ងាយថយក្រោយវិញណាស់៕
ឆ្នាំឆ្លូវ
រាសីខ្ពស់ត្រដែត។អំឡុងពេលនេះលោកអ្នកជួបបញ្ហាលំបាកមួយចំនួនយាយីនាំឱ្យមិនសុខស្រួលចិត្តប៉ុន្មានទេ ។ប៉ុន្តែសម្រាប់ថ្ងៃនេះវិញលោកអ្នកអាចមានដំណឹងល្អឬដោយមានញាតិមិត្តជួយក្នុងរឿងអ្វីមួយផង។ក្នុងថ្ងៃនេះដែរយីអ៊ុនរបស់លោកអ្នកបានងើបខ្ពស់ ម្ល៉ោះហើយជាឱកាសល្អក្នុងការធ្វើអ្វីមួយព្រោះផ្លែផ្កាហុចឱ្យមកវិញក៏សមដូចប្រកបជានិច្ច។សម្រាប់អ្នកប្រកបរបររកស៊ីជួញដូរទាំងតូចទាំងធំបើចង់ចរចាទិញឬដោះដូរទំនិញអ្វីមួយដោយមិនត្រឹមឆាប់ត្រូវរ៉ូវគ្នាទេតែអាចសម្រេចជោគជ័យយ៉ាងឆាប់រហ័សថែមទៀត។
សម្ព័ន្ធស្នេហាកំលោះក្រមុំបើចង់រៀបចំផ្សំផ្គុំគ្រួសារពេលនេះជាឱកាសល្អប្រពៃណាស់៕
ឆ្នាំខាល
រាសីស្រុតចុះ។នៅថ្ងៃនេះបើលោកអ្នកចង់ចរចាឬធ្វើអ្វីមួយដែលជាកិច្ចការសំខាន់បើចៀសវាងថ្ងៃនេះក៏ប្រសើរដែរពីព្រោះថាផលអាក្រក់មានច្រើនជាងល្អ។ការប្រកបការងារវិញឃើញថាដំណើរជីវិតរបស់លោកអ្នកមិនសូវល្អប្រសើរទេ ម្ល៉ោះហើយនៅពេលនេះបើមានកិច្ចការតូចធំត្រូវចេះមើលគេមើលឯង ហើយមិនត្រូវត្រចៀកស្រាលឆាប់ខឹងឡើយពីព្រោះថាងាយមានរឿងរាវដាក់ខ្លួនណាស់។អ្នកប្រកបរបររកស៊ីជួញដូរវិញនៅថ្ងៃនេះមានការរីកដុះដាលគ្រាន់គាប់ប្រសើរ ហើយការជួញទីជិតឆ្ងាយតែងហុចផលមកវិញជានិច្ច។
រីឯបញ្ហាសេចក្តីស្នេហាប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំថោះ
រាសីល្អជាមធ្យម។នៅថ្ងៃនេះមុនហាមាត់និយាយស្តីអ្វីមួយគប្បីមានការប្រយ័ត្នប្រយែងព្រោះកាលបើជ្រុលជ្រួសតែបន្តិចងាយបង្កជាទំនាស់ជាមួយអ្នកដទៃជាងសព្វមួយដង។ដោយឡែកនៅថ្ងៃនេះវិញ ការប្រកបការងារអ្វីឃើញថាមានការជឿនលឿនទៅមុខយឺតពិសេសងាយកើតបញ្ហាជាមួយអ្នកដទៃថែមទៀត។សម្រាប់អ្នកប្រកបរបររកស៊ីជួញដូរវិញបើលោកអ្នកចង់បោះទុនទៅលើអ្វីមួយត្រូវមើលមុខមើលក្រោយព្រោះផ្លែផ្កាទទួលបានមកវិញមានភាពយ៉ាប់យ៉ឺននិងបញ្ហាចូលមកលុកលុយច្រើន។
សម្ព័ន្ធស្នេហាប្រុសស្រីមានដំណើរប្រទាំងប្រទើសដែលងាយកើតរឿងជម្លោះវិវាទនិងបង្កជារឿងរាវអូសបន្លាយពេលយូរផង៕
ឆ្នាំរោង
រាសីខ្ពស់ត្រដែត។ទាំងស្ត្រីបុរសការរស់នៅរាល់ឧបទ្របចង្រៃដែលធ្លាប់យាយីទាំងពួងបានរលត់រលាយអស់ហើយភាពសុខដុមបានផ្លាស់ចូលមកជំនួសវិញប្រៀបបានទៅនឹងកាំរស្មីព្រះអាទិត្យកំពុងតែចែងចាំងនៅលើអាកាសវេហាដូច្នេះដែរ។ក្នុងថ្ងៃនេះមានជោគសិរី ហើយលោកអ្នកអាចកាន់កិច្ចការងារតូចធំប្រកបទៅដោយការជឿនលឿនទៅមុខគ្រាន់កក់ក្តៅ។ ចំពោះអ្នកប្រកបរបររកស៊ីជួញដូរទោះគ្មានចំណូលអ្វីជាដុំកំភួនតែភាពសុខដុមមានភាពល្អប្រសើរឡើង ។
សម្ព័ន្ធស្នេហាប្រុសស្រីមានការចម្រើនលូតលាស់ទៅមុខ និងកំពុងមានភាពផ្អែមល្ហែមល្អប្រពៃ៕
ឆ្នាំម្សាញ់
រាសីស្រុតចុះ។ការរស់នៅស្ត្រីមិនត្រូវប្រកែប្រកាន់ច្រើន ហើយត្រូវបំបាត់ភាពរឹងរូសចេញពីខ្លួនខ្លះ និងត្រូវប្រឹងប្រែងកិច្ចការផ្ទះសម្បែងទើបភាពចម្រុងចម្រើននឹងលូតលាស់ជាងនេះ។ការធ្វើដំណើរទៅទិសពាយ័ព្យពុំសូវមានសុវត្តិភាពទេពិសេសពេលយប់ព្រលប់តែម្តង។អ្នកប្រកបការងារវិញលោកអ្នកឱ្យប្រយ័ត្នសត្រូវលាក់មុខបន្តិចពីព្រោះគេងាយបង្ករឿងអ្វីមួយដែលគិតស្មានមិនដល់។ អ្នកប្រកបរបររកស៊ីជួញដូរវិញបើលោកអ្នកមានអតិថិជនជំពាក់ប្រាក់កាស ហើយចង់ទារបំណុលពីនរណាម្នាក់ក៏ជាឱកាសល្អផងដែរ។
សម្ព័ន្ធគូស្នេហ៍ប្រុសស្រីកុំចង់ទុំមុនស្រគាលប្រយ័ត្នជួបរឿងទុក្ខសោកហើយត្រូវរែកពន់បាត់បង់កិត្តិយសថែមទៀត៕
ឆ្នាំមមី
រាសីល្អជាមធ្យម។ការរស់នៅដំណើរចេញក្រៅផ្ទះលោកអ្នកប្រយ័ត្នក្រុមមនុស្ស ចាក់រុក ឆ្កឹះឆ្កៀល ពីបញ្ហាអ្វីមួយ ហើយបង្កើតជម្លោះវិវាទជាមួយសត្រូវចាស់ថ្មី ហើយគេបែរជាលួចសើចចំអកដាក់មកវិញ។ក្នុងថ្ងៃនេះទោះធ្វើអ្វីមួយក៏ដោយលោកអ្នកគប្បីមានការប្រយ័ត្នប្រយែងបន្តិច ហើយត្រូវចងចាំថាទោះលោកអ្នកប្រកបកិច្ចការអ្វីផ្លែផ្កាក៏ពុំឆ្លើយតប ដូចជាទីគាប់ចិត្តនោះឡើយ។ ចំពោះអ្នកប្រកបរបររកស៊ីជួញដូរពេលព្រឹកមានភាពរកាំរកូសច្រើន តែថ្ងៃបន្តិចពេលព្រះអាទិត្យរះពេញអាកាសវេហាឧបទ្រពចង្រៃទាំងពួងនឹងវិនាសជាអហោសិកម្មអស់។
រីឯសម្ព័ន្ធស្នេហាប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំមមែ
រាសីស្រុតចុះ។នៅថ្ងៃនេះទោះធ្វើអ្វីៗលោកអ្នកមិនអាចសម្រុកបានទេ ហើយចូរចងចាំថាសន្សឹមៗកុំបំបោលគង់តែដល់ទិសដៅពុំខាន។ក្រៅពីនេះធ្វើអ្វីមិនត្រូវចង់បានភ្លាមៗឡើយពីព្រោះថាផលលំបាកនាពេលក្រោយមានខ្ពស់គួរសម។ការប្រកបការងារក៏ដូច្នេះលោកអ្នកតោងតែត្រូវចេះរវាសរវៃប្រឹងប្រែងទើបក្តីប្រាថ្នាអ្វីមួយអាចឈោងចាប់បានទៅរួច។អ្នកប្រកបរបររកស៊ីជួញដូរក្នុងថ្ងៃនេះមានភាពរលូនល្អ និងការរកប្រាក់កម្រៃទៀតសោតក៏ហូរចូលខ្លះៗដែរ។
រីឯបញ្ហាស្នេហាប្រុសស្រីជួបរឿងការយល់ខុសនិងភាពប្រចែប្រច័ណ្ឌចូលលុកលុយមិនស្ទើរដែរទេ៕
ឆ្នាំវក
រាសីស្រុតចុះ។នៅថ្ងៃនេះបើលោកអ្នកចង់ពឹងពាក់ ឬ ខ្ចីរបស់អ្វីមួយពីអ្នកដទៃឃើញថាតែងមិនឆ្លើយតបដូចគាប់បំណងទេពោលគឺតែងខកបំណងច្រើនជាង ។ការប្រកបការងារមានសភាពយឺតយូរ និងមិនសម្រេចដល់គោលដៅឡើយ។សម្រាប់បើជាអ្នកប្រកបរបររកស៊ីជួញដូរមិនត្រូវបោះទុនអ្វីមួយដោយតក់ក្រហល់ឡើយ ហើយត្រូវចេះពិនិត្យឱ្យបានគ្រប់ជ្រុងជ្រោយប្រយ័ត្នជួបរឿងស៊យបោះទុនទៅហើយសូន្យឈឹងរកតែដើមមកវិញមិនឃើញ។
រីឯបញ្ហាសេចក្តីស្នេហាប្រុសស្រីមានការរកាំរកូសព្រោះជួនត្រូវរ៉ូវជួនទាស់ទែងគ្នា៕
ឆ្នាំរកា
រាសីស្រុតចុះ។នៅថ្ងៃនេះលោកអ្នកធ្វើអ្វីគប្បីមានការប្រយ័ត្នប្រយែងពីព្រោះថាបើសម្រេចចិត្តអ្វីមួយខុសនាំបាត់បង់ប្រាក់កាស និង ពិសេសបង្កឱ្យខូចទាំងចិត្តថែមទៀត។ការធ្វើដំណើរឆ្ងាយជិតមិនសូវមានសុវត្តិភាពទេគប្បីបន្ថែមការប្រុងប្រយ័ត្ន។ការប្រកបការងារចៅហ្វាយតែងចាំចាប់ថ្នាំងថ្នាក់ និង ស្តីបន្ទោសជាងសព្វមួយដង។អ្នកប្រកបរបររកស៊ីជួញដូរបញ្ហាការរកប្រាក់កម្រៃដំណើរការទៅមុខយ៉ាប់យ៉ឺនបន្តិចពិតមែន តែក៏មានភាពសុខដុមប្រពៃណាស់ផង។
រីឯសេចក្តីស្នេហាកំលោះក្រមុំមានការជឿនលឿនទៅមុខតិចតួចឯបើថយក្រោយវិញនោះឆាប់រហ័សណាស់គប្បីមានការប្រយ័ត្នប្រយែង៕
ឆ្នាំច
រាសីល្អជាមធ្យម។នៅថ្ងៃនេះដំណើរជីវិតរបស់លោកអ្នកជួបបញ្ហាមិនល្អយាយីច្រើន ម្ល៉ោះហើយធ្វើឱ្យមិនសូវសុខស្រួលខ្លួនប៉ុន្មានទេ។អ្នកប្រកបការងារកុំរុញរានឹងការងារសំខាន់ឬកិច្ចការធំដុំពីព្រោះថាផលតែងឆ្លើយតបមកវិញនាគ្រាខាងមុខគ្រាន់កក់ក្តៅ ។សម្រាប់អ្នកប្រកបរបររកស៊ីជួញដូរនៅថ្ងៃនេះពុំមានការរីកលូតលាស់ទៅមុខគួរជាទីកត់សម្គាល់ទេហើយក៏មិនមានការថយក្រោយដែរគឺដូចសព្វមួយដង។
សម្ព័ន្ធស្នេហាកំលោះក្រមុំជួបរឿងខ្វាយខ្វល់ព្រោះតែម្នាក់ៗប្រកាន់ចិត្តខ្លាំង ម្ល៉ោះហើយការកើតរឿងរាវប្រទាំងប្រទើសងាយផ្ទុះឡើងដែរ៕
ឆ្នាំកុរ
រាសីល្អជាមធ្យម។នៅថ្ងៃនេះដួងរាសីរបស់លោកអ្នកមានការរីកលូតលាស់សន្សឹមៗទៅមុខតែយ៉ាងណាឱ្យប្រយ័ត្នបញ្ហាជម្លោះ ពីព្រោះងាយកើតមានណាស់។ការប្រកបការងារឱ្យប្រយ័ត្នដូចពាក្យចាស់ថាខឹងខូច ខឹងខាត ខឹងខុស។អ្នកប្រកបរបររកស៊ីជួញដូរក្នុងថ្ងៃនេះដែរមិនថាការជួញទីជិតឆ្ងាយបើលោកអ្នកជួបបាតុភាពរឿងឈ្លោះវិវាទអ្វីមួយកើតឡើងហើយបើចេះទប់ចិត្តសង្កត់អារម្មណ៍មិនតបតគឺជាការប្រសើរបំផុតដើម្បីរក្សាសេចក្តីសុខផ្ទាល់ខ្លួន។
សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីលោកអ្នកដាច់ខាតមិនត្រូវឈ្លក់វង្វេងរឿងស្នេហារហូតវង្វេងស្មារតីនាំខាតបង់ការសិក្សាឬកិច្ចការងារប្រចាំថ្ងៃនោះឡើយ ៕