Views: 2
ដោយៈ ទេពកង្រី / កំពង់ឆ្នាំងៈ យុវតីអាយុ ១៨ ឆ្នាំម្នាក់ នៅសល់តែប៉ុន្មានថ្ងៃទៀត នឹងចូលរួមប្រឡងសញ្ញាបត្រទុតិយភូមិ ប៉ុន្តែសំណាង អាក្រក់ នាងបានលង់ទឹកស្លាប់ ជាមួយនឹងប្អូនប្រុសជីដូនមួយម្នាក់ទៀត។ ហេតុការណ៍ភ្ញាក់ផ្អើលនេះ បានកើតឡើង នៅរសៀលថ្ងៃទី២ ខែធ្នូ ឆ្នាំ២០២២ នៅស្ទឹងបរិបូណ៌ ស្ថិតនៅក្នុងភូមិកំព្រង ឃុំផ្សារ ស្រុកបរិបូរណ៍ ។
យោងតាមនគរបាលប៉ុស្តិ៍ផ្សារ បានឲ្យដឹងថាៈ យុវតីរងគ្រោះ មានឈ្មោះ ហូរ សុបិន អាយុ ១៨ ឆ្នាំ មានឪពុកឈ្មោះ ហូ បុណ្យ ម្ដាយឈ្មោះ សុគា ចំណែកប្អូនប្រុសជីដូន មួយ ឈ្មោះ បុល រតនា អាយុ ៦ ឆ្នាំ មានឪពុកឈ្មោះ ហូរ សំបុល និងម្ដាយឈ្មោះ ស៊ុន សុភា ។ ពួកគេ មានទីលំនៅ នៅក្នុងភូមិឃុំ កើតហេតុ។
ប្រភពដដែល បានបន្តថាៈ នៅមុនពេលកើតហេតុ ជនរងគ្រោះទាំងពីរនាក់បងប្អូន បាននាំគ្នាទៅមើលឪពុកបង់សំណាញ់ នៅផ្នែកខាងក្រោមស្ទឹង ប៉ុន្តែដើរមិនទាន់ដល់ផង ក៏បានរអិលជើងធ្លាក់ចូលអន្លង់ទឹកជ្រៅ បណ្ដាលឱ្យលង់ស្លាប់តែម្ដង។
ក្រោយពេលកើតហេតុ សមត្ថកិច្ចបានទៅពិនិត្យ និងធ្វើកោសល្យវិច័យ និងបានប្រគល់ សពជនរងគ្រោះ ទៅក្រុមគ្រួសារ ធ្វើបុណ្យតាមប្រពៃណី ក្រោមការសោកសង្រេង យ៉ាងក្រៃលែង ពីក្រុមគ្រួសារ។
ក្រុមគ្រួសារស បានបញ្ជាក់ថាៈ នៅសល់តែប៉ុន្មានថ្ងៃទៀត នាងនឹងទៅចូលរួមប្រឡង សញ្ញាបត្រទុតិយភូមិ ហើយមិនគួរមានរឿងបែបនេះឡើយ៕/V
