Views: 1
ប្រែសម្រួល : កញ្ញាដាលីស (បាងកកប៉ុស្តិ៍) ៖ ទីភ្នាក់ងាររដ្ឋាភិបាលមួយបាននិយាយថា ទឹកជំនន់ភ្លាមៗដែលបង្កឡើងដោយភ្លៀងមូសុងខ្លាំងមិនធម្មតាបានសម្លាប់មនុស្សយ៉ាងហោចណាស់ ៥៤៩ នាក់នៅក្នុងប្រទេសប៉ាគីស្ថានក្នុងរយៈពេលមួយខែកន្លងមកនេះ ខណៈសហគមន៍ដាច់ស្រយាលក្រីក្របំផុតក្នុងខេត្តបាឡូជីស្ថាន (Balochistan)នៅភាគនិរតីស្ថិតក្នុងចំណោមសហគមន៍រងគ្រោះធ្ងន់ធ្ងរបំផុត។
ទីភ្នាក់ងាររដ្ឋាភិបាលនិងកងទ័ពបានបង្កើតជំរំផ្តល់ជំនួយនិងសង្គ្រោះនៅតំបន់រងគ្រោះដោយទឹកជំនន់ ហើយកំពុងធ្វើការដើម្បីជួយផ្លាស់ទីលំនៅ និងផ្តល់ស្បៀងអាហារនិងថ្នាំពេទ្យ។អាជ្ញាធរគ្រប់គ្រងគ្រោះមហន្តរាយជាតិ (NDMA) បាននិយាយកាលពីថ្ងៃសុក្រទី៥សីហាថា ក្រៅពីអ្នកស្លាប់ ទឹកជំនន់បានបំផ្លាញផ្ទះជាង ៤៦.២០០ ខ្នង។
នាយករដ្ឋមន្ត្រីលោក សេបាស សារីហ្វ (Shehbaz Sharif) បាននិយាយក្នុងអំឡុងពេលចុះទៅកាន់តំបន់រងគ្រោះថា”យើងកំពុងប្រឹងប្រែងអស់ពីសមត្ថភាពដើម្បីផ្តល់ជំនួយសង្គ្រោះនិងស្តារឡើងវិញយ៉ាងទូលំទូលាយដល់ជនរងគ្រោះដោយទឹកជំនន់”។
NDMA បាននិយាយថា ខែមុនគឺសើមខ្លាំងបំផុតក្នុងរយៈពេលបីទសវត្សរ៍ ជាមួយនឹងភ្លៀងធ្លាក់ ១៣៣% ច្រើនជាងមធ្យមភាគក្នុងរយៈពេល ៣០ ឆ្នាំកន្លងមកនេះ។ខេត្តបាឡូជីស្ថាន ដែលមានព្រំប្រទល់ជាប់ប្រទេសអ៊ីរ៉ង់និងអាហ្វហ្គានីស្ថាន បានទទួលទឹកភ្លៀង ៣០៥% ច្រើនជាងមធ្យមភាគប្រចាំឆ្នាំ៕
ពេទ្យទាហានកំពុងពិនិត្យស្ត្រីម្នាក់នៅមន្ទីរពេទ្យបណ្តោះអាសន្នមួយក្នុងស្រុករ៉ាចានពួ ដែលរងគ្រោះដោយទឹកជំនន់ក្នុងខេត្តពុនចាប ប្រទេសប៉ាគីស្ថាន កាលពីថ្ងៃអង្គារ
LAHORE: Sep08 – Workers of a welfare organization shifting a man to safer place from flood hit area in Rana Town.
ONLINE PHOTO by Sajid Rana
ជំនន់ទឹកភ្លើងវាយប្រហារប៉ាគីស្ថានអស់ពេលជាងមួយខែមកនេះ
