Views: 2
ដោយ៖ វណ្ណៈ / ព្រះសីហនុ៖ រដ្ឋបាលខេត្តព្រះសីហនុ បានប្រកាសអំពីលទ្ធផល នៃកិច្ចប្រត្តិបត្តិការ សង្គ្រោះជនជាតិចិន ដែលរងគ្រោះដោយលិចទូក កាលពីរសៀល ថ្ងៃទី ២២ កញ្ញា កន្លងមក បើគិតត្រឹមម៉ោង ២ រសៀល ថ្ងៃទី២៤ ខែកញ្ញា ឆ្នាំ២០២២ នេះ ជនរងគ្រោះក្នុងករណីលិចទូក នៅចំណុចនិយាមកា 10.25N 103.16E នៅចន្លោះពយសារឿង និងកោះតាង ក្នុងភូមិសាស្ត្រខេត្តព្រះសីហនុ ដែលមានចំនួន សរុប ៤១ នាក់ ត្រូវបានជួយសង្គ្រោះ និងស្វែងរកឃើញសរុប ៣៣ នាក់ (ស្លាប់ ៣ នាក់) និងបាត់ខ្លួន ៨ នាក់ ដោយសមត្ថកិច្ច និងក្រុមជួយសង្គ្រោះ កំពុងស្វែងរក អ្នកបាត់ខ្លួន បន្តទៀត។
សូមបញ្ជាក់ជូនថា ក្នុងចំណោមជនរងគ្រោះទាំង ៣៣ នាក់នោះ កម្ពុជា ជួយសង្គ្រោះ និងស្វែងរកឃើញបាន ២៤ នាក់ និងវៀតណាម ជួយសង្គ្រោះបាន ៩ នាក់ ផងដែរ។
ទោះជាយ៉ាងនេះក្តី រដ្ឋបាលខេត្តព្រះសីហនុ នៅតែខិតខំប្រឹងប្រែង បន្តកិច្ចសហការ ជាមួយប្រទេសជិតខាង ក្នុងការស្វែងរកនិងសង្គ្រោះជនរងគ្រោះ ជាបន្តទៀត៕/V