Views: 11
ប្រែសម្រួលៈបំណង(Xinhua)៖ ទោះជាមានសញ្ជាវិជ្ជមានខ្លះក៏ការស្លាប់ទាក់ទងនឹងជំងឺកូវីដ១៩នៅតែមានកំរិតខ្ពស់ជាប់នៅក្នុងសហរដ្ឋអាម៉េរិក ដោយជនជាតិអាម៉េរិកជិត៤០០នាក់ស្លាប់ដោយជំងឺនេះក្នុងមួយថ្ងៃៗ នេះបើតាមសេចក្តីរាយការណ៍របស់សារព័ត៌មានABC News។
គ្រាន់តែប្រាំពីរថ្ងៃកន្លងទៅ អាម៉េរិកបានរាយការណ៍ចំនួនស្លាប់ដោយកូវីដក្រោម២.៧០០នាក់ និងចាប់តាំងពីដើមឆ្នាំមក ជនជាតិអាម៉េរិកជិត២០៥.០០០នាក់បានបាត់បង់ជីវិតដោយជំងឺឆ្លងសកលនេះ។
របាយការណ៍បាននិយាយថា «កំណើនឆ្លងចុងក្រោយនេះត្រូវជំរុញឡើងដោយវីរុសបំប្លែងខ្លួនចម្លងខ្ពស់ ដែលនៅបន្តចម្លងប្រជាជនអាម៉េរិកឡើងវិញ។ជាងប្រាំពីរខែមកហើយដែលវីរុសអូមីក្រុងដើមបានលេចចេញឡើងតែវីរុសដើមនេះលែងមាននៅក្នុងសហរដ្ឋអាម៉េរិកទៀតហើយ នៅសល់តែអូមីក្រុងបំប្លែងខ្លួនបន្តចម្លងរាលដាល»។
របាយការណ៍បានបន្ថែមថា វីរុសអូមីក្រុងបំប្លែងខ្លួនប្រទភេទBA.5ឥឡូវតំណាងអោយការឆ្លងថ្មីប្រមាណ៨៧ភាគរយនៅអាម៉េរិក ហើយវីរុសនេះងាយនឹងបំផ្លាញចោលប្រសិទ្ធភាពវ៉ាក់សាំង ដែលនាំអោយអាជ្ញាធរសុខាភិបាលធ្វើការអំពាវនាវអោយពលរដ្ឋអាម៉េរិកនាំគ្នាទៅចាក់វ៉ាក់សាំងឬដូសជំរុញ។
កាលពីសប្តាហ៍មុន លោកអ៊ែនថូនី ហ្វោស៊ី(Anthony Fauci)អ្នកជំនាញខាងជំងឺឆ្លងកំពូលរបស់ប្រទេស បានព្រមានថា ជនជាតិអាម៉េរិកដែលមិនបានធ្វើបច្ចុប្បន្នភាពវ៉ាក់សាំងកូវីដ១៩(ចាក់បន្ថែមតាមកាលកំណត់នៃការអស់ប្រសិទ្ធភាពវ៉ាក់សាំង)អាចនឹងមានបញ្ហាសុខភាពនៅរដូវរងារខាងមុខ ដោយសារភាពស៊ាំនៃរាងកាយទល់នឹងជំងឺឆ្លងនេះថយចុះ៕
ប្រជាជនពាក់ម៉ាស់នៅគ្លីនិចកូវីដ១៩មួយនៅក្រុងឡូស អ៊ែនជើឡេស សហរដ្ឋអាម៉េរិកកាលពីថ្ងៃ៥សីហា
