Views: 5
ដោយៈប.ខុន/ភ្នំពេញៈជនសង្ស័យនេសាទត្រីដោយឧបករណ៍ ឆក់ចំនួនពីរនាក់ដែលឃាត់ខ្លួនបានជាមួយនឹងវត្ថុតាងដោយកម្លាំងរាជអាវុធហត្ថខេត្តព្រៃវែង ត្រូវបានខណ្ឌរដ្ឋបាល ជលផល ព្រៃវែងបញ្ជូនទៅតុលាការរួចហើយនៅព្រឹកថ្ងៃទី២៨ខែវិច្ឆិកា ធ្វើឱ្យចំនួនជនសង្ស័យពីបទនេសាទត្រីដោយប្រើឧបករណ៍ឆក់កើនដល់ចំនួនបីនាក់ ត្រូវបានបញ្ជូនទៅតុលាការនៅក្នុង ខែវិច្ឆិកានេះ។
លោក អូន ស៊ីណាត នាយខណ្ឌរដ្ឋបាលជលផលព្រៃវែង បាន ប្រាប់ឱ្យរស្មីកម្ពុជាដឹងនៅថ្ងៃទី២៨ខែវិច្ឆិកាឆ្នាំ២០២២ថា ជនសង្ស័យចំនួនពីរនាក់ពាក់ព័ន្ធនឹងករណីចាប់ត្រីដោយប្រើឩបករណ៍ឆក់ដែលបានឃាត់ខ្លួនដោយកម្លាំងអាវុធខេត្តព្រៃវែងកាលពីថ្ងៃទី២៦ខែវិច្ឆិកានោះ បានបញ្ជូនទៅតុលាការ ហើយនៅព្រឺកថ្ងៃទី២៨ខែវិច្ឆិកា ។ ករណីបញ្ជូនជនសង្ស័យទៅ តុលាការយឺតយ៉ាងនេះដោយសារចំថ្ងៃសៅរ៍និងថ្ងៃអាទិត្យ។
ករណីជនសង្ស័យចាប់ត្រីដោយឧបករណ៍ឆក់នេះ លោក អូន ស៊ីណាត បញ្ជាក់ថា នៅក្នុងខែវិច្ឆិកានេះមានចំនួនបីនាក់ហើយ ដែលបានបញ្ជូនខ្លួនទៅតុលាការ ដូចជានៅថ្ងៃទី២០ខែវិច្ឆិកាមានជនសង្ស័យម្នាក់ត្រូវបានឃាត់ខ្លួននគរបាលប៉ុស្តិ៍រដ្ឋបាលកន្សោមអកស្រុកកំពង់ត្របែកជាមួយនឹងវត្ថុតាងគ្រប់គ្រាន់ និង នៅថ្ងៃទី២៨ខែវិច្ឆិកាជនសង្ស័យ ចំនួនពីរនាក់ផ្សេងទៀតពាក់ពា័ន្ធនឹងករណីចាប់ត្រីដោយឧបករណ៍ឆក់ឃាត់ខ្លួនបានដោយកងរាជអាវុធហត្ថខេត្តព្រវែងក៏បានបញ្ជូនខ្លួនទៅតុលាការរួចដែរហើយ។
ខណ្ឌរដ្ឋបាលជលផលព្រៃវែង កាលពីថ្ងៃទី២៦វិច្ឆិកាបានទទួលសំណុំរឿងបទល្មើសជលផលពីបញ្ជាការដ្ឋានកងរាជអាវុធហត្ថខេត្តព្រៃវែង១ករណី ពីបទនេសាទដោយឧបករណ៍ឆក់ដែលរួមមានវត្ថុតាងដូចជាអាំងវែទ័រ២គ្រឿង អាគុយ៤០អំពែរចំនួនពីរគ្រឿង, ដងឆក់បួនដើមភ្ជាប់ខ្សែភ្លើងង៨ម៉ែត្រ ,ទ្រុងត្រីពីរគ្រឿង, ពិលពីរគ្រឿង, ម៉ូតូមួយគ្រឿងជាមួយជនសង្ស័យ២នាក់ឈ្មោះ សុខ សាដន ភេទប្រុស អាយុ៣២ ឆ្នាំនៅភូមិជ្រៃ ឃុំព្រៃស្រឡិត ស្រុកពារាំងនិងឈ្មោះ លួត ពន្លឺ ភេទប្រុសអាយុ២០ឆ្នាំ នៅភូមិក្រាំង ឃុំព្រៃស្រឡិត ស្រុកពារាំង ៕សរន.mara