Views: 1
ដោយ : ប.ជ័យ / បន្ទាយមានជ័យ៖សាខាកាកបាទក្រហមកម្ពុជាខេត្តបន្ទាយមានជ័យនៅថ្ងៃទី១០ ខែសីហា ឆ្នាំ២០២២បានអញ្ជើញចុះសួរសុខទុក្ខនិងនាំយកនូវអំណោយមនុស្សធម៌មកផ្ដល់ជូនប្រជាពលរដ្ឋក្រីក្រចាស់ជរាស្ត្រីមេម៉ាយចំនួន ១៥គ្រួសាររស់នៅភូមិអូរស្ងួត ឃុំបន្ទាយនាង ស្រុកមង្គលបូរី ។អំណោយមាន អង្ករ ត្រីខ មី ទឹកត្រី មុងមួយ សារុង ក្រមា អាវយឺត ជែលលាងសម្អាតដៃនិងទឹកសុទ្ធមួយចំនួន។នេះបើយោងការ ឱ្យដឹងរបស់លោក រ័ត្ន ដាស៊ីណង់ អភិបាលស្រុកមង្គលបូរី និងជាប្រធានអនុសាខាកាកបាទក្រហមស្រុក ។
ក្នុងឱកាសនេះដែរ លោក អ៊ុំ រាត្រី ប្រធានគណៈកម្មាធិការសាខាកាកបាទក្រហមបន្ទាយមានជ័យបាននាំនូវ ប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិតប៊ុនរ៉ានី ហ៊ុនសែនប្រធានកាកបាទក្រហម កម្ពុជាតែងតែគិតគូរដល់ពីសុខទុក្ខរបស់បងប្អូនប្រជាពលរដ្ឋគ្រប់ទិសទីពិសេសបងប្អូនដែលមានជីវភាពទីទ័លក្រចាស់ជរាស្ត្រីមេម៉ាយកុមារកំព្រាជាដើម ៕សរន