Views: 4
ដោយ: ជា សីហៈ/ភ្នំពេញ: ខេត្តព្រះវិហារដែលទើបតែធ្វើការផ្លាស់ប្តូអភិបាលខេត្ត នៅព្រឹកថ្ងៃទី៩ ខែសីហា ឆ្នាំ២០២២នេះ ក៏បានផ្លាស់ប្តូប្រធានមន្ទីររ៉ែ និង ថាមពលខេត្តផងដែរ។
ពិធីផ្លាស់ប្តូរនេះ ត្រូវបានរៀបចំឡើងដោយ ស៊ុយ ឌីម៉ង់ រដ្ឋលេខាធិការនៃក្រសួងរ៉ែនិងថាមពល និងលោក គីម រិទ្ធី អភិបាលខេត្តព្រះវិហារ ដោយ លោក ស៊ុន ច័ន្ទរក្សា ត្រូវតែងតាំងជាប្រធានមន្ទីររ៉ែនិងថាមពលខេត្តព្រះវិហារ ជំនួសលោក យូ ចិន្តាយុត្តិ ដែលបានចូលនិវត្តន៍។
ថ្លែងក្នុងពិធីប្រកាសតែងតាំងនេះ លោក ស៊ុយ ឌីម៉ង់ ក៏បានធ្វើការកោតសរសើរចំពោះប្រធានមន្ទីររ៉ែនិងថាមពលទាំង២៥ រាជធានី-ខេត្ត និងមន្ត្រីគ្រប់លំដាប់ថ្នាក់ ដែលបានខិតខំប្រឹងប្រែងបំពេញតួនាទីភារកិច្ចប្រកបដោយទំនួលខុសត្រូវ ដើម្បីឆ្លើយតបនឹងការអភិវឌ្ឍន៍របស់ប្រទេសជាតិ ពិសេសលើវិស័យរ៉ែ ថាមពល និងប្រេងកាត។
មកដល់ពេលនេះ ខេត្តព្រះវិហា ត្រូវបានគេដឹងថា ក៏ជាខេត្តមួយដែលអាចមានធនធានរ៉ែមាស់ ដែក និង លោហៈ មានតម្លៃមួយចំនួនទៀត៕
