Views: 1
ប្រែសម្រួល : កញ្ញាដាលីស (CGTN) ៖ ខ្សែប្រយុទ្ធ ហ្គាព្រី យ៉េស៊ូស (Gabriel Jesus)របស់ Arsenal បានទទួលការវះកាត់ដោយជោគជ័យលើរបួសជង្គង់ ដែលធ្វើឱ្យរូបគេខ្ទាចចេញពីយុទ្ធនាការវើលខាប់សេសសល់សំរាប់ក្រុមប្រេស៊ីល។
កីឡាករអាយុ ២៥ ឆ្នាំរូបនេះនិងមិត្តរួមក្រុម អាឡិច ថេឡេស (Alex Telles) បានរងរបួសជង្គង់ស្តាំទាំងពីរនាក់ក្នុងអំឡុងពេលប្រេស៊ីលចាញ់កាមេរូន ១-០ កាលពីថ្ងៃសុក្រ។
វាជាការចាប់ផ្តើមជម្រើសដំបូងរបស់គេក្នុងប្រទេសកាតា បន្ទាប់ពីការបង្ហាញខ្លួនជាកីឡាករបម្រុងពីរលើកមុន។
Arsenal បាននិយាយថា យ៉េស៊ូសនឹងចាប់ផ្តើមកម្មវិធីស្តារនីតិសម្បទា ប៉ុន្តែមិនកំណត់ពេលវេលាសម្រាប់ការត្រឡប់មកវិញរបស់គេនោះទេ។
សេចក្តីថ្លែងការណ៍របស់ Arsenal បានសរសេរថា “មនុស្សគ្រប់គ្នានៅក្នុងក្លិបគាំទ្រហ្គាបប៊ី (Gabby) ហើយនឹងខិតខំប្រឹងប្រែងដើម្បីឱ្យគេត្រឡប់មកទីលានវិញឱ្យបានឆាប់តាមដែលអាចធ្វើទៅបាន”៕
យ៉េស៊ូសរបួសជង្គង់ស្តាំអំឡុងបរាជ័យ១-០របស់ប្រេស៊ីលជាមួយកាមេរូន
