Views: 10
ដោយ៖ សុវណ្ណកុម្ភៈ/ភ្នំពេញ៖ បន្ទាប់ពីប្រជុំគណៈកម្មការបច្ចេកទេសកាលពីថ្ងៃទី២៥ ខែវិច្ឆិកា នៅថ្ងៃទី២៦នេះការប្រកួតកីឡាវាយសីក្របខ័ណ្ឌកីឡាជាតិលើកទី៣ចាប់ផ្ដើមហើយ។
លោកឧត្តមសេនីយ៍ទោ ជាម សុភា អគ្គលេខាធិការសហព័ន្ធកីឡាវាយសីកម្ពុជាបានឲ្យដឹងថាការប្រកួតនេះមានកីឡាករចូលរួមចំនួន៨១នាក់ កីឡាការិនីចំនួន៣៣នាក់ គ្រូបង្វឹក៣៥នាក់ សរុបចំនួន១៤៩នាក់។
ក្រសួង រាជធានី ខេត្តដែលចូលរួមមានចំនួន១១ គឺមន្ទីរអប់រំយុវជន និងកីឡារាជធានីភ្នំពេញ, មន្ទីរអប់រំយុវជន និង កីឡាខេត្តត្បូងឃ្មំ, ខេត្តកំពង់ឆ្នាំង, កំពង់ចាម, សៀមរាប, ស្វាយរៀង, ខេត្តមណ្ឌលគីរី, ក្រសួងសេដ្ឋកិច្ច និង ហិរញ្ញវត្ថុ ខេត្តព្រៃវែង, ខេត្តកណ្ដាល និងក្រសួងមហាផ្ទៃ ។
តាមការគ្រោងទុកការប្រកួតនេះនឹងបញ្ចប់នៅថ្ងៃទី២៩ ខែវិច្ឆិកា ដើម្បីកីឡាករ កីឡាការិនីរួមជាមួយប្រតិភូចូលរួមបិទកីឡាជាតិជាស្ថាពរនៅល្ងាចថ្ងៃទី៣០ ខែវិច្ឆិកានាពហុកីឡដ្ឋានជាតិមរតកតេជោក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនាបតីតេជោហ៊ុន សែន ៕