Views: 8
ដោយៈ សរិទ្ធ / ភ្នំពេញៈ កម្មករសំណង់ម្នាក់ បានស្លាប់ និងម្នាក់ទៀត រងរបួសធ្ងន់ ក្នុងហេតុការណ៍បាក់ប្លង់សេសង្កត់លើ ។ ហេតុការណ៍នេះ បានកើតឡើង កាលពីវេលា ម៉ោង ៩និង៣០នាទី ព្រឹកថ្ងៃទី១០ ខែសីហា ឆ្នាំ២០២២ នេះ ស្ថិតនៅក្នុងដីឡូត៍មួយកន្លែង មានរបងព័ទ្ធជុំជិត តាមផ្លូវលំ ក្នុងភូមិសំរោងទាវ សង្កាត់ក្រាំងធ្នង់ ខណ្ឌសែនសុខ។
ប្រភពព័ត៌មានពីប្រជាពលរដ្ឋ បានឲ្យដឹងថា ក្នុងហេតុការណ៍នេះ រថយន្តសង្គ្រោះ បានដឹកជនរងគ្រោះម្នាក់ ទៅមន្ទីរពេទ្យភ្លាមៗ នៅសល់តែសពជនរងគ្រោះម្នាក់ កប់ក្រោមគំនរដែក រហូតដល់វេលាម៉ោង ១២និង៣០នាទី រសៀល ថ្ងៃដដែល ទើបភ្ញាក់ផ្អើល សមត្ថកិច្ច ចុះទៅពិនិត្យ ។
ទោះជាយ៉ាងណាក្តី នៅកន្លែងកើតហេតុ ម្ចាស់ទីតាំងសំណង់ បិទទ្វារជិត មិនអនុញ្ញាត ឲ្យនរណាចូល ក្រៅពីសមត្ថកិច្ច ។
តែបើតាមប្រភពពីកម្មករ បានឲ្យដឹងថាៈ មុនកើតហេតុ សំណង់អគារ ខាងលើ ចាក់ប្លង់សេ ផ្នែកខាងមុខ ដោយប្រើជន្ទល់ដែក បេតុងប្លង់សេ បានចាក់រួចរាល់ហើយ កម្មករម្នាក់ បានចុះមកក្រោម នៅតែម្នាក់ បន្តវីបេតុង ពង្រាបឲ្យស្មើ កំពុងតែវីសុីម៉ង់ត៍ នៅលើប្លង់សេ ទើបចាក់រួច ស្រាប់តែប្លង់សេនោះ បានបាក់ធ្លាក់ សង្កត់ស្លាប់ម្នាក់ របួសធ្ងន់ម្នាក់ ។
ក្រោយកើតហេតុភ្លាមៗ កម្មករ របួសម្នាក់ ត្រូវបានដឹកបញ្ជូនទៅមន្ទីរពេទ្យ នៅសល់តែ សពជនរងគ្រោះ ត្រូវបានរើកកាយយកចេញ រហូតដល់ថ្ងៃរសៀល ទើបធ្លាយរឿង បង្កឲ្យភ្ញាក់ផ្អើល សមត្ថកិច្ចចុះទៅពិនិត្យកោសល្យវិច័យ។ ក្រោយកើតហេតុ សពជនរងគ្រោះ ត្រូវបានសមត្ថកិច្ច ប្រគល់ឱ្យក្រុមគ្រួសារ យកទៅធ្វើបុណ្យ តាមប្រពៃណី៕/V