Views: 1
ដោយៈប.ខុន/ភ្នំពេញៈក្រសួងធនធានទឹកនិងឧតុនិយមនៅថ្ងៃទី៦ ខែធ្នូ ឆ្នាំ២០២២ បានជូនដំណឹងស្តីពីស្ថានភាពធាតុអាកាសសម្រាប់ពីថ្ងៃទី៧ ដល់ថ្ងៃទី១៣ ខែធ្នូថា ប្រទេសកម្ពុជាក្នុងរយៈពេលនេះទទួលរងឥទ្ធិពលពីទ្រនុងសម្ពាធខ្ពស់ និងខ្យល់មូសុងឦសានក្នុងកម្រិតមធ្យម ធ្វើឱ្យសីតុណ្ហភាពចុះមកនៅក្នុងរង្វង់ពី២០ទៅ២២អង្សាសេនៅតំបន់ខ្ពង់ រាប និងនៅមានភ្លៀងធ្លាក់ខុសប្រក្រតីតិចតួច តែសម្រាប់រាជធានីភ្នំពេញ និងបណ្តាខេត្តនៅភាគខាងក្រោម (ត្បូង) អាចមានភ្លៀងធ្លាក់ក្នុងកម្រិតមធ្យម។
ក្នុងសេចក្តីជូនដំណឹងបានឱ្យដឹងទៀតថាស្ថានភាពបែបខាងលើធ្វើឲ្យតំបន់ទំនាបកណ្តាលមានសីតុណ្ហភាពអប្បបរមាពី២២ទៅ២៤អង្សាសេ និង សីតុណ្ណភាពអតិបរមាមានពី៣០ទៅ៣២អង្សាសេ។ អាចមានភ្លៀងធ្លាក់តិចតួច តែសម្រាប់រាជធានីភ្នំពេញនិងបណ្តាខេត្ត នៅភាគខាងក្រោម (ត្បូង) អាចនៅមានភ្លៀងធ្លាក់ក្នុងកម្រិតមធ្យម។
នៅតំបន់ខ្ពង់រាបមានសីតុណ្ហភាពអប្បបរមាពី២០ ទៅ២២អង្សាសេ សីតុណ្ហភាពអតិបរមាមានពី២៨ទៅអង្សាសេ៣០អង្សាសេ។ អាចនៅមានភ្លៀងធ្លាក់តិចតួច។
សម្រាប់តំបន់មាត់សមុទ្រមានសីតុណ្ហភាពអប្បបរមាពី២៣ទៅ២៥អង្សាសេ សីតុណ្ណភាពអតិបរមាមានពី៣០ទៅ៣២អអ្សាសេ។អាចនៅមានភ្លៀងធ្លាក់តិចតួច៕/R