Views: 2
ប្រែសម្រួលៈបំណង(ដេល្លីម៉េល)៖ កងទ័ពអាម៉េរិកកាលពីថ្ងៃពុធបានផ្តល់កុងត្រាផលិតប្រព័ន្ធកាំជ្រួចបាញ់ពីដៅទៅអាកាសធុនNASAMSចំនួនប្រាំមួយគ្រឿងតំលៃ១,២ពាន់លានដុល្លារទៅអោយក្រុមហ៊ុនផលិតអាវុធរ៉េយធីអន តិចណូឡូជី ខូ(Raytheon Technologies Co) សំរាប់ផ្គត់ផ្គង់អោយអ៊ុយក្រែន។
សហរដ្ឋអាម៉េរិកបានអនុម័តការបញ្ជូនប្រព័ន្ធកាំជ្រួចបាញ់ស្កាត់នេះចំនួនប្រាំបីឈុតដើម្បីជួយអ៊ុយក្រែនបាញ់ស្កាត់កាំជ្រួចព្រមទាំងការវាយប្រហារដោយដ្រូនរុស្ស៊ី។
សូមបញ្ជាក់ថាកន្លងមកអ៊ុយក្រែនទទួលបានប្រព័ន្ធការពារដែនអាកាសNASAMSនេះពីរគ្រឿងកាលពីខែវិច្ឆិកា ហើយប៉ុន្មានគ្រឿងទៀតនឹងទៅដល់នៅប៉ុន្មានខែខាងមុខនៅពេលពួកវាកំពុងផលិតក្នុងក្រុមហ៊ុនរ៉េយធីអន។
ប៊ីល ឡាផ្លានធី(Bill LaPlante)អនុរដ្ឋមន្ត្រីការពារជាតិទទួលបន្ទុកផ្គត់ផ្គង់សព្វាវុធបាននិយាយថា«NASAMSជាសព្វាវុធការពារដែនអាកាសធុនចុងក្រផយដែលត្រូវបានបញ្ជូនទៅកាន់អ៊ុយក្រែន»។
ប្រព័ន្ធNASAMSចំនួនប្រាំមួយគ្រឿងនេះជាផ្នែកនៃជំនួយសន្តិសុខមួយកញ្ចប់លើកទីប្រាំដែលរដ្ឋាភិបាលអាម៉េរិកបានប្រកាសកាលពីខែសីហាដែលមានតំលៃសរុប២,៩៨ពាន់លានដុល្លារ។
កុងត្រាខាងលើដើម្បីផលិតអាគុយNASAMS ការហ្វឹកហាត់ប្រើ និងការគាំទ្រឡូជីស្ទិចដល់កងកម្លាំងយោធានិងសន្តិសុខអ៊ុយក្រែន។
កាលពីសប្តាហ៍មុន លោកដូក ប៊ូស(Doug Bush)នាយកខាងទិញគ្រឿងសព្វាវុធសំរាប់កងទ័ព បានប្រាប់អ្នកយកព័ត៌មានកាលពីសប្តាហ៍មុនថា កងទ័ពអាម៉េរិកកំពុងពន្លឿនដំណើរការទិញសព្វាវុធរបស់ខ្លួនដើម្បីបំពេញស្តុកសព្វាវុធអាម៉េរិកដែលអស់ដោយសារតែដឹកជញ្ជូនទៅធ្វើសង្ក្រាមនៅអ៊ុយក្រែន។
ក្រសួងការពារជាតិអាម៉េរិកបានអះអាងថា ប្រព័ន្ធការពារដែនអាកាសNASAMSដែលអាម៉េរិកផ្តល់អោយកន្លងមកទទួលបានជោគជ័យ១០០ភាគរយក្នុងការស្ទាក់កំទេចកាំជ្រួចរុស្ស៊ី។សរុប អាម៉េរិកបានផ្តល់និងសន្យាផ្តល់ជំនួយសន្តិសុខដល់អ៊ុយក្រែនសរុប១៩,៣ពាន់លានដុល្លារចាប់តាំងពីរដ្ឋការលោកចូ បៃដិន ចាប់ផ្តើម៕
ក្រសួងការពារជាតិអាម៉េរិកបានអះអាងថា ប្រព័ន្ធការពារដែនអាកាសNASAMSដែលអាម៉េរិកផ្តល់អោយកន្លងមកទទួលបានជោគជ័យ១០០ភាគរយក្នុងការស្ទាក់កំទេចកាំជ្រួចរុស្ស៊ី
