Views: 8
ប្រែសម្រួល : កញ្ញាដាលីស (ប៊ីប៊ីស៊ី) ៖ ក្រុមហ៊ុន Tesla កំពុងប្រមូលរថយន្តជិត ១,១ លានគ្រឿងនៅសហរដ្ឋអាម៉េរិក ដោយសារបង្អួចអាចនឹងបិទលឿនពេក ហើយគាបម្រាមដៃមនុស្ស។
ឯកសារដែលផលិតដោយនិយតករអាម៉េរិកបង្ហាញថា បង្អួចប្រហែលជាមិនមានប្រតិកម្មត្រឹមត្រូវទេ បន្ទាប់ពីរកឃើញការស្ទះមួយ។
រដ្ឋបាលសុវត្ថិភាពចរាចរណ៍ផ្លូវជាតិនិយាយថា វាជាការបំពានស្តង់ដារសុវត្ថិភាព។
ក្រុមហ៊ុន Tesla និយាយថា ការធ្វើបច្ចុប្បន្នភាពសូហ្វវែនឹងដោះស្រាយបញ្ហានេះ។
ក្រុមហ៊ុនផលិតរថយន្តអគ្គិសនីដ៏ធំបំផុតរបស់ពិភពលោកមួយនេះបានខ្វែងគំនិតគ្នាម្តងហើយម្តងទៀតជាមួយនិយតករសុវត្ថិភាពសហព័ន្ធ ដែលនាយកប្រតិបត្តិ អេឡុន ម៉ាស់ ហៅថា “ប៉ូលិសកំប្លែង”។
ការប្រមូលរថយន្តមកវិញកាលពីលើកមុនៗគឺដោយសារ ៖
– កាមេរ៉ាមើលក្រោយ
– គន្លឹះគម្របក្បាលរថយន្ត
– ប្រព័ន្ធរំលឹកការពាក់ខ្សែក្រវ៉ាត់នៅកៅអី
– កម្មវិធីប្រព័ន្ធសំឡេង
នាយកប្រតិបត្តិក្រុមហ៊ុន Tesla លោក អេឡុន ម៉ាស បានរិះគន់ការប្រើប្រាស់ពាក្យ “ប្រមូលចូលឃ្លាំងវិញ” ដោយសរសេរនៅលើ Twitter ថា “វាក្យស័ព្ទហួសសម័យនិងមិនត្រឹមត្រូវ។ នេះគ្រាន់តែជាការអាប់ដេតសូហ្វវែតូចតាចសោះ។ តាមដែលពួកយើងបានដឹងគឺមិនមានករណីរបួសទេ”។
ការប្រមូលមកវិញចុងក្រោយបំផុតគឺគ្របដណ្តប់លើរថយន្ត Tesla បួនម៉ូដែល ជាពិសេសរថយន្ត Model 3 ស៊េរី ២០១៧-២២ និងរថយន្ត Model Y SUVs ២០២០-២១ (រថយន្តប្រើប្រាស់សម្រាប់កីឡា) រថយន្ត Model S និងរថយន្ត Model X SUVs៕
ក្រុមហ៊ុន Tesla កំពុងប្រមូលរថយន្តជិត ១,១ លានគ្រឿងនៅសហរដ្ឋអាម៉េរិក ដោយសារបង្អួចអាចនឹងបិទលឿនពេក ហើយគាបម្រាមដៃមនុស្ស
