Views: 2
ដោយ: គង់ហេង / កំពង់ចាម: កូនភ្លោះបីនាក់របស់សម្តេចតេជោ ហ៊ុន សែន បានចាប់កំណើតលើគ្រួសារទី ៣៨៩ ខ្មែរឥស្លាម ដែលមានទីលំនៅភូមិអកម៉ូក ឃុំជយោ ស្រុកចម្ការលើ។ នេះបើតាមការឱ្យដឹងរបស់ក្រុមការងារកាកបាទក្រហមកម្ពុជាដឹកនាំ ដោយលោក អ៊ុន ចាន់ដា ជាប្រធានគណៈកម្មាធិការសាខាខេត្តកំពង់ចាម បានអមដំណើរលោក សេង ទៀង រដ្ឋលេខាធិការទីស្តីការគណៈរដ្ឋមន្ត្រី និងលោកស្រីជាភរិយា បាននាំយកអំណោយដ៏ថ្លៃថ្លា របស់សម្តេចតេជោ ហ៊ុន សែន និងសម្តេចគិត្តិព្រឹត្តបណ្ឌិត ប៉ុន រ៉ានី ហ៊ុន សែន ប្រគល់ជូនគ្រួសារកូនភ្លោះទាំងបីនោះ ដល់ដៃផ្ទាល់កាលពីរសៀលថ្ងៃទី ៥ សីហាម្សិលមិញ។
ប្រភពព័ត៌មានពីមន្ត្រីអមដំណើរបានឱ្យដឹងថា ក្នុងនោះអំណោយមនុស្សធម៌រួមមានៈ ជាថវិកាចំនួន ប្រាំលានរៀល,អង្ករ ៥០ គីឡូក្រាម, សារុងចំនួន ពីរ និងក្រមាចំនួន ពីរ។ ជាមួយនោះលោក អ៊ុន ចាន់ដា ជាអភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តក៏បានជួយឧបត្ថម្ភបន្ថែមមានៈ ថវិកាចំនួន ៥០ម៉ឺនរៀល,សម្ភារសម្រាប់ប្រើប្រាស់ទារកចំនួន បី សម្រាប់ មី ទឹកបរិសុទ្ធ ទឹកដោះគោឆៅ និងស្ករស ជូនដល់លោក យូ ហ៊ាត អាយុ ៣១ ឆ្នាំជាឪពុក និងអ្នកស្រី ម៉ូត ណះម៉ះ អាយុ ២៥ ឆ្នាំជាម្តាយរបស់ទារកភ្លោះទាំងបី។
សូមបញ្ជាក់ថាៈ ទារកភ្លោះទាំងបី នាក់ជាកូនភ្លោះទី ៣៨៩ របស់សម្តេចតេជោ ក្នុងនោះស្រីចំនួន ពីរ នាក់បានប្រសូត្រនៅមន្ទីរពេទ្យបង្អែកខេត្តកំពង់ចាមកាលពីរសៀលថ្ងៃទី២៨ ខែកក្កដា ឆ្នាំ២០២២ កន្លងទៅ គឺទី១. ឈ្មោះ តហ៊ាត អៃនី ភេទស្រី មានទម្ងន់ ១,៦០០ គីឡូក្រា,ទី២. ឈ្មោះ តហ៊ាត អៃណា ភេទស្រី មានទម្ងន់ ២,១០០ គីឡូក្រាម និងទី៣.ឈ្មោះ តហ៊ាត មីស៊ៀន ភេទប្រុស មានទម្ងន់ ២,៣០០ គីឡូក្រាម៕