Views: 8
ប្រែសម្រួលៈបំណង(ដេល្លីម៉េល)៖កូរ៉េខាងជើងកាលពីថ្ងៃសៅរ៍ទី៦សីហា បានហៅប្រធានសភាអាម៉េរិកថាជា«អ្នកបំផ្លាញសន្តិភាពនិងស្ថិរភាពអន្តរជាតិដ៏អាក្រក់បំផុត» ដោយចោទប្រកាន់លោកស្រីថាញុះញង់អោយអារម្មណ៍ប្រឆាំងកូរ៉េខាងជើងនិងធ្វើអោយចិនផ្ទុះកំហឹងដោយសារតែដំណើរនៅអាស៊ីរបស់លោកស្រីនៅសប្តាហ៍នេះ។
ប្រធានសភាអាម៉េរិកលោកស្រី ណាន់ស៊ី ផេឡូស៊ីបានធ្វើដំណើរទៅកាន់កូរ៉េខាងត្បូងក្រោយទស្សនកិច្ចតៃវ៉ាន់។ក្នុងពេលនៅកូរ៉េខាងត្បូង លោកស្រីបានទៅទស្សនាតំបន់ព្រំដែនជាប់កូរ៉េខាងជើងនិងបានពិភាក្សាកម្មវិធីនុយក្លេអ៊ែររបស់កូរ៉េខាងជើងជាមួយប្រធានសភាជាតិកូរ៉េខាងត្បូង គីម ជូនផ្យូ។យោងតាមលោកគីម ភាគីទាំងពីរបានព្រមេព្រៀងគាំទ្ររដ្ឋាភិបាលរបស់គេក្នុងការជំរុញអោយរំសាយចោលនុយក្លេអ៊េរនៅលើឧបទ្វីបកូរ៉េ ផ្អែកលើការពង្រឹងកម្លាំងរារាំងទប់ស្កាត់អោយកាន់តែធំឡើងបូករួមនឹងកិច្ចការទូត។
នៅថ្ងៃសៅរ៍ ចូ យ៉ុង សាម(Jo Yong Sam) អគ្គនាយកនៅនាយកដ្ឋានិច្ចការព័ត៌មាននៃក្រសួងការបរទេសកូរ៉េខាងជើង បានរិះគន់លោកស្រីផេឡូស៊ីចំពោះដំណើរទស្សនកិច្ចរបស់លោកស្រីទៅកាន់តំបន់ព្រំដែននិងការពិភាក្សាអំពីការរារាំងកូរ៉េខាងជើង។
លោកចូ បាននិយាយក្នុងសេចក្តីថ្លែងការណ៍មួយថា« ផេឡូស៊ី កូរអោយមានបរិយាកាសប្រឈមមុខ»ជាមួយកូរ៉េខាងជើងក្នុងអំឡុងពេលទស្សនកិច្ចរបស់គាត់នៅកូរ៉េខាងត្បូង។ដោយហៅផេឡូស៊ីថាជា«អ្នកបំផ្លាញសន្តិភាពនិងស្ថិរភាពអន្តរជាតិអាក្រក់បំផុត» លោកចូ បាននិយាយថា ឥរិយាបទរបស់ផេឡូស៊ីនៅកូរ៉េខាងត្បូងបង្ហាញច្បាស់ណាស់អំពីគោលនយោបាយអរិភាពរបស់រដ្ឋាភិបាលបៃដិនចំពោះកូរ៉េខាងជើង។
លោកបានព្រមានថា «វាជាកំហុសស្លាប់រស់មួយដែលលោកស្រីគិតថា លោកស្រីអាចធ្វើអ្វីដោយសេរីនៅលើឧបទ្វីបកូរ៉េ។អាម៉េរិកនឹងត្រូវបង់នូវតំលៃដ៏ថ្លៃចំពោះរាល់ប្រភពនៃបញ្ហាបង្កឡើងដោយផេឡូស៊ី»៕
ផេឡូស៊ីបានធ្វើដំណើរទៅកាន់តំបន់សន្តិសុខរួមគ្នានៅព្រំដែនកូរ៉េកាលពីថ្ងៃព្រហស្បតិ៍ ដែលធ្វើអោយលោកស្រីក្លាយជាមន្ត្រីអាម៉េរិកជាន់ខ្ពស់បំផុតបន្ទាប់ពីអតីតប្រធានាធិបតី ដូណាល់ ត្រាំ ដែលបានទៅកាន់តំបន់នេះ