Views: 1
ដោយៈមុនីរ័ត្ន/ភ្នំពេញ៖ លទ្ធផលបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ឆ្នាំ២០២២ដែល បានប្រព្រឹត្តទៅកាលពីថ្ងៃអាទិត្យទី៥ខែមិថុនាម្សិលមិញបានបង្ហាញថាគណបក្សប្រជាជនកម្ពុជាទទួលបានសំឡេគាំទ្រយ៉ាងច្រើនលើសលប់ជាងគណបក្សនយោបាយចំនួន១៦ផ្សេងទៀតដែលបានចួលរួមប្រកួតប្រជែងការបោះឆ្នោត ។
លោក សោម សូរីដាអ្នកនាំពាក្យគណ:កម្មាធិការជាតិរៀបចំការបោះឆ្នោត(គ.ជ.ប)បានប្រាប់រស្មីកម្ពុជានៅល្ងាចថ្ងៃទី៦ ខែមិថុនានេះថា គណបក្សនយោបាយចំនួនបួនបាននាំមុខគេដោយទទួលបាននូវការគាំទ្រពីប្រជាពលរដ្ឋក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២ គឺ១. គណបក្សប្រជាជនកម្ពុជា ទទួលបានសំឡេង ៥.៣៣៧.៧៥៤ សំឡេងគិតជាភាគរយស្មើ ៧៤,៣២ភាគរយ។ ២. គណបក្សភ្លើងទៀន ទទួលបាន ១.៦១០.៤៣៤សំឡេង ស្មើ ២២,២៦ភាគរយ ។ ៣. គណបក្សហ្វ៊ុនស៊ិនប៉ិច ទទួលបាន ៩១.៧៩៣សំឡេង ស្មើ ១,២៧ភាគរយនិងគណបក្សខ្មែររួបរួមជាតិ ទទួលបាន ៦៣.៩៤៧សំឡេ ស្មើ ០,៨៨ភាគរយ។ ចំណែកគណបក្សខ្មែរស្រឡាញ់ជាតិ ៣៣.៣០៥សំឡេង ស្មើ ០,៥២ភាគរយ។
លោក សោម សូរីដា បានបញ្ជាក់ថា ប្រជាពលរដ្ឋដែលបានអញ្ជើញទៅបោះឆ្នោតមានចំនួន ៧.៣៨២.៤៤៩នាក់ ស្មើនឹង ៨០,១៩ភាគរយនៃចំនួនអ្នកមានឈ្មោះក្នុងបញ្ជីបោះឆ្នោតសរុប៩.២០៥.៦៨១នាក់ ។ ចំណែកឯសន្លឹកឆ្នោតបានការមានចំនួន ៧.២៣៦.២៤៤សន្លឹក។សន្លឹកឆ្នោតមិនបានការមានចំនួន ១៤៦.២០៥សន្លឹក ស្មើនឹង ១,៩ភាគរយ សម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២នេះ។
សូមបញ្ជាក់ថា ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ បានប្រព្រឹត្តទៅកាលពីថ្ងៃទី៥ ខែមិថុនា ឆ្នាំ២០២២ ដោយមានគណបក្សនយោបាយចំនួន ១៧ចូលរួមប្រកូតប្រជែងមានបេក្ខជនសរុបចំនួន ៨៦.០៩២នាក់ក្នុងនោះស្ត្រីមានចំនួន២៧.៨១៣នាក់លើឃុំសង្កាត់ចំនួន ១.៦៥២ ។ចំណែកការិយាល័យបោះឆ្នោតមានចំនួន២៣.៦០២ការិយាល័យនៅទូទាំងប្រទេស។
គណបក្សនយោបាយទាំង ១៧ ដែលបានចុះឈ្មោះចូលរួមប្រកួតប្រជែង មាន៖
១. គណបក្សប្រជាជនកម្ពុជា ដាក់បេក្ខជនឈរឈ្មោះបានចំនួន ១.៦៥២/១.៦៥២ ឃុំ សង្កាត់
២. គណបក្សភ្លើងទៀន ដាក់បេក្ខជនឈរឈ្មោះបានចំនួន ១.៦២៣/១.៦៥២ ឃុំ សង្កាត់
៣. គណបក្សហ្វ៊ុនស៊ិនប៉ិច ដាក់បេក្ខជនឈរឈ្មោះបានចំនួន ៦៨០/១.៦៥២ ឃុំ សង្កាត់
៤. គណបក្សខ្មែររួបរួមជាតិ ដាក់បេក្ខជនឈរឈ្មោះបានចំនួន ៥៩៦/១.៦៥២ ឃុំ សង្កាត់
៥. គណបក្សខ្មែរស្រឡាញ់ជាតិ ដាក់បេក្ខជនឈរឈ្មោះបានចំនួន ៣១៥/១.៦៥២ ឃុំ សង្កាត់
៦. គណបក្សសញ្ជាតិកម្ពុជា ដាក់បេក្ខជនឈរឈ្មោះបានចំនួន ២៤៥/១.៦៥២ ឃុំ សង្កាត់
៧. គណបក្សយុវជនកម្ពុជា ដាក់បេក្ខជនឈរឈ្មោះបានចំនួន ១១៤/១.៦៥២ ឃុំ សង្កាត់
៨. គណបក្សកែទម្រង់កម្ពុជា ដាក់បេក្ខជនឈរឈ្មោះបានចំនួន ៥៩/១.៦៥២ ឃុំ សង្កាត់
៩. គណបក្សឆន្ទៈខ្មែរ ដាក់បេក្ខជនឈរឈ្មោះបានចំនួន ៥៨/១.៦៥២ ឃុំ សង្កាត់
១០. គណបក្សកម្ពុជានិយម ដាក់បេក្ខជនឈរឈ្មោះបានចំនួន ៣៨/១.៦៥២ ឃុំ សង្កាត់
១១. គណបក្សប្រជាធិបតេយ្យមូលដ្ឋាន ដាក់បេក្ខជនឈរឈ្មោះបានចំនួន ៣២/១.៦៥២ ឃុំ សង្កាត់១២. គណបក្សខ្មែរតែមួយ ដាក់បេក្ខជនឈរឈ្មោះបានចំនួន ៣០/១.៦៥២ ឃុំ សង្កាត់
១៣. គណបក្សសំបុកឃ្មុំសង្គមប្រជាធិបតេយ្យ ដាក់បេក្ខជនឈរឈ្មោះបានចំនួន ២៣/១.៦៥២ ឃុំ សង្កាត់។
១៤. គណបក្សជនជាតិដើមប្រជាធិបតេយ្យកម្ពុជា ដាក់បេក្ខជនឈរឈ្មោះបានចំនួន ១៩/១.៦៥២ ឃុំ សង្កាត់។
១៥. គណបក្សឯកភាពជាតិខ្មែរ ដាក់បេក្ខជនឈរឈ្មោះបានចំនួន ១៤/១.៦៥២ ឃុំ សង្កាត់
១៦. គណបក្សរស្មីខេមរា ដាក់បេក្ខជនឈរឈ្មោះបានចំនួន ៦/១.៦៥២ ឃុំ សង្កាត់
១៧. គណបក្សខ្មែរអភិវឌ្ឍន៍សេដ្ឋកិច្ច ដាក់បេក្ខជនឈរឈ្មោះបានចំនួន ៤/១.៦៥២ ឃុំ សង្កាត់៕សរន
