Views: 1
ដោយៈសុវណ្ណកុម្ភៈ/ភ្នំពេញ៖ព្រឹត្តិការណ៍នៃការប្រកួតកីឡាអេឡិចត្រូនិកលីគអាជីព MPL-KH Pro League នៃវិញ្ញាសា Mobile Legends: Bang Bang ពេលនេះបានឈានដល់វគ្គ MPL-KH Autumn Split ដែលបានចាប់ផ្ដើមការប្រកួតវគ្គវិលជុំសន្សំពិន្ទុ (Regular) កាលពីចុងសប្ដាហ៍កន្លងទៅបន្ទាប់ពីបញ្ចប់ការប្រកួតវគ្គ Spring Split កាលពីចុងខែឧសភា ឆ្នាំ២០២២។
ការប្រកួតនេះគឺជាវគ្គប្រជុំដោយក្រុមខ្លាំងៗ ដោយមានបេក្ខភាព ៨ក្រុមចូលរួម ដែលត្រូវប្រកួតវគ្គ Regular ចាប់ពីថ្ងៃទី៦ ខែសីហា រហូតដល់ថ្ងៃទី៤ ខែកញ្ញា មុនបន្ដការប្រកួតវគ្គខ្វែង (Play-Off) ចាប់ពីថ្ងៃទី១៧ ខែកញ្ញា ដល់ថ្ងៃទី១ ខែតុលា និងវគ្គផ្ដាច់ព្រ័ត្រ នឹងធ្វើឡើងនាថ្ងៃទី២ ខែតុលាឆ្នាំ២០២២ ខាងមុខ។
ក្នុងការប្រកួត MPL-KH Pro League វគ្គ Autumn Split នេះដែរ គឺជាការប្រកួតកាន់តែប្លែក និងអស្ចារ្យ ដើម្បីបង្កើនគុណភាព សមត្ថភាព បច្ចេកទេស និងជំរុញការអភិវឌ្ឍកីឡាអេឡិចត្រូនិកនៅប្រទេសកម្ពុជាក្នុគោល បំណងស្វែងរកក្រុមមានសមត្ថភាពខ្ពស់ចេញទៅប្រកួតកម្រិតពិភពលោកនាចុងឆ្នាំ២០២២និងព្រឹត្តិការណ៍អន្ដរជាតិផ្សេងៗទៀត។
Mobile Legends :Bang Bangគឺជាវិញ្ញាសាដែលពេញនិយមដោយមានការលេងច្រើនពីសំណាក់កីឡាករ អេឡិចត្រូនិកលើពិភពលោកជាក់ស្ដែងនៅកម្ពុជាក៏តែងមានការរៀបចំនូវការប្រកួតជាបន្ដបន្ទាប់ដើម្បីពង្រឹងនិងអភិវឌ្ឍន៍សមត្ថភាពកីឡាករឲ្យមានគុណភាពកម្រិតខ្ពស់ ដើម្បីមានលទ្ធភាពចូលរួមប្រកួតថ្នាក់តំបន់ និងអន្ដរជាតិទៀតផង៕សរន
