Views: 4
ដោយៈ វ៉ៃកូ / ស្វាយរៀងៈ លោកស្រី កិត្តិសង្គហបណ្ឌិត ម៉ែន សំអន អនុប្រធាគណបក្ស ប្រជាជនកម្ពុជា នាព្រឹកថ្ងៃទី២៣ ខែកញ្ញា ឆ្នាំ២០២២ បានអញ្ជើញនាំយកនូវទេយ្យវត្ថុ ប្រគេនព្រះសង្ឃ ចំនួន ១៩ វត្ត ស្ថិតក្នុងក្រុងបាវិត ខេត្តស្វាយរៀង ក្នុងឱកាសវេនកាន់ បិណ្ឌទី ១៣ នៅស្នាក់ការគណបក្សក្រុងបាវិត ដែលនៅក្នុងឱកាសនោះ លោកស្រី បាន អំពាវនាវដល់ប្រជាពលរដ្ឋទាំងអស់ ត្រូវចូលរួមគោរពច្បាប់ចរាណរណ៍ទាំងអស់គ្នា ក្នុងឱកាសបុណ្យភ្ជុំបិណ្ឌ កុំឲ្យសប្បាយក្លាយជាទុក្ខ ។
ក្នុងឱកាសនោះ លោកស្រី កិត្តិសង្គហបណ្ឌិត បានផ្តាំផ្ញើដល់ប្រជាពលរដ្ឋទាំងអស់ ត្រូវ៖
១. សូមចូលរួមគោរពច្បាប់ចរាចរណ៍ទាំងអស់គ្នា មិនត្រូវឲ្យបាត់បង់សមាជិកណាម្នាក់ ក្នុងឱកាសបុណ្យកាន់បិណ្ឌ និងភ្ជុំបិណ្យនេះទេ កុំឲ្យសប្បាយក្លាយជាទុក្ខ ។
២. ជៀសឲ្យផុតពីការប្រើប្រាស់គ្រឿងញៀន (ទាំងការសេព ការជួញដូរគ្រឿងញៀន និងការសេពគ្រឿងស្រវឹង) ។
៣. ត្រូវចូលរួមគោរពតាមវិធានការ ៣ការពារ ៣កុំ ទាំងអស់គ្នា ដើម្បីចូលរួមទប់ស្កាត់ ការឆ្លងរីករាលដាលជំងឺកូវីដ១៩ ក៏ដូចជា ជំងឺឆ្លងផ្សេងៗ ចូលក្នុងសហគមន៍ ។
៤. ជៀសឲ្យឆ្ងាយពីការប្រព្រឹត្ត នូវល្បែងស៊ីសង ដែលនាំឲ្យអន្តរាយ ដល់សង្គមជាតិ និងសង្គមគ្រួសារ៕ V / N