Views: 6
ដោយៈបាយ័ន / សៀមរាបៈ ក្នុងអំឡុងពេលបំពេញបេសកកម្ម នៅប្រទេសកម្ពុជា នាថ្ងៃទី២៤ ខែកញ្ញា ឆ្នាំ២០២២ លោក Stephen Mathias ឧបការីលោកអគ្គលេខាធិកា អង្គការសហប្រជាជាតិ (អ.ស.ប.) និងជា នាយកទទួលបន្ទុក ការិយាល័យកិច្ចការច្បាប់ និងលោកស្រី Lynn Goldman Mathian ដែលជាភរិយា បានឆ្លៀតពេលមកបំពេញទស្សនកិច្ច ស្វែងយល់អំពី ការគ្រប់គ្រង រមណីយដ្ឋានអង្គរ។
បើតាមប្រភពព័ត៌មានពី អាជ្ញាធរជាតិអប្សរា បានឱ្យដឹងថាៈ មន្ត្រីជាន់ខ្ពស់របស់ អង្គការសហប្រជាជាតិ ទទួលបន្ទុកកិច្ចការច្បាប់ខាងលើ បានទទួលយ៉ាងរាក់ទាក់ ពីលោក ហង់ ពៅ អគ្គនាយកអាជ្ញាធរជាតិអប្សរា ។
ក្នុងដំណើរទស្សនកិច្ចនោះ គណៈប្រតិភូ បានទៅទស្សនាប្រាសាទអង្គរវត្ត ប្រាសាទបាយ័ន ប្រាសាទតាព្រហ្ម ប្រាសាទនាគព័ន្ធ សួនរុក្ខជាតិអង្គរ ជាដើម៕/V
