Views: 3
ដោយៈ បាយ័ន/សៀមរាបៈ នៅព្រឹក ថ្ងៃទី០១ ខែធ្នូ ឆ្នាំ២០២២ មានករណីប្រទះឃើញមនុស្សលង់ទឹកស្លាប់ចំនួនបីនាក់ នៅចំណុចស្រះតារី ក្នុងភូមិអភិវឌ្ឍន៍ ឃុំកន្ទួត ស្រុកស្វាយលើ ខេត្តសៀមរាប ។
ក្រោយទទួលពត៌មានកម្លាំងជំនាញនៃអធិការដ្ឋានស្រុកស្វាយលើបានសហការជាមួយកម្លាំងបុស្តិ៍នគរបាលរដ្ឋបាលកន្ទួត និងកម្លាំងប្រជាការពារ ចុះពិនិត្យសពនៅចំនុចទីតាំងកើតហេតុខាងលើ ពិតជាមានមនុស្សចំនួនបីនាក់ស្លាប់ដោយលង់ទឹកពិតប្រាកដមែន។
មន្ត្រីនគរបាលស្រុកស្វាយលើបាននិយាយថា សពទី១ មានឈ្មោះ ស៊ឹង លៀវ ភេទស្រី អាយុ ៤៥ឆ្នាំ មុខរបរកសិករ រស់នៅភូមិអភិវឌ្ឍន៍ ឃុំកន្ទួត ស្រុកស្វាយលើ ខេត្តសៀមរាប (ត្រូវជាម្ដាយ), ទី២ ឈ្មោះ គាន លីសា ភេទស្រី អាយុ០៦ឆ្នាំ រស់នៅភូមិ ឃុំជាមួយគ្នា (ត្រូវជាកូន) និង ទី៣ ឈ្មោះគីម សាលីន ភេទស្រី អាយុ០៧ឆ្នាំ រស់នៅភូមិឃុំជាមួយគ្នា (ត្រូវជាអ្នកជិតខាង)។ សពទាំងបីខាងលើបានលង់ទឹកស្លាប់នៅចំណុចស្រះទឹករបស់ឈ្មោះ រី ក្នុងភូមិអភិវឌ្ឍន៍ ឃុំកន្ទួត ស្រុកស្វាយលើ ខេត្តសៀមរាប។
តាមការបំភ្លឺរបស់ឈ្មោះគត់ គាន ភេទប្រុស អាយុ៤៤ឆ្នាំ មុខរបរកសិករ រស់នៅភូមិឃុំជាមួយគ្នា ( ត្រូវជាប្ដីរបស់ជនរងគ្រោះ)បានឱ្យដឹងថា នៅមុនពេលកើតហេតុនៅថ្ងៃទី៣០ ខែវិច្ឆិកា ឆ្នាំ២០២២ ខ្លួនបានទៅដឹកកណ្ដាប់ស្រូវពេញមួយថ្ងៃនៅចំនុចភ្នំខ្យង លុះដល់ល្ងាចម៉ោង១៦:៣០នាទី ខ្លួនបានត្រឡប់មកផ្ទះវិញ ដោយសាការអស់កម្លាំងក៏បានអង្គុយនៅតុក្រោមផ្ទះ ចំនែកប្រពន្ធរបស់ខ្លួនបានប្រាប់ខ្លួនថា បើឯងអស់កំលាំងហើយឯងនៅដាំបាយនឹងផ្ទះចុះ ទុកអោយខ្ញុំជាមួយកូន ជាអ្នកទៅមើលទ្រុងកង្កែប និយាយរួចប្រពន្ធរបស់ខ្លួនបាននាំកូនឡើងជិះម៉ូតូម៉ាក HONDA DREAM សេរីឆ្នាំ២០១១ ជិះចេញទៅទិសខាងលិច ភ្លាមនោះស្រាប់តែមានក្មេងដែលនៅក្បែរផ្ទះបានសុំទៅជាមួយដែរ។
ចំនែកប្តីក្រោយពីបានដាំបាយរួចក៏បបួលអ្នកជិខាង អង្គុយផឹស្រាថ្នាំនៅនឹងផ្ទះ លុះដល់ម៉ោង២១:៥០នាទីយប់ថ្ងៃទី៣០នោះ មិនឃើញប្រពន្ធនិងកូនត្រឡប់មកផ្ទះវិញ ក៏បបួលអ្នកផឹកជុំទៅតាមរក តែរកមិនឃើញ ទើបរាយការណ៍ជូនប្រជាការពារនឹងអ្នកភូមិមានគ្នាប្រហែល៥០នាក់ តាមរកទាំងយប់ដោយមានការសង្ស័យនៅចំណុចទឹកស្រះខាងលើខ្លួនក៏បានសំដៅទៅទីនោះក៏ឃើញម៉ូតូដែលប្រពន្ធជិះមកចតចោលនៅមាត់ផ្លូវខ្លួនជាមួយអ្នកភូមិក៏បានសំដៅទៅកន្លែងស្រះទឹកដែលមានចម្ងាយ៦០ម៉ែត្រពីផ្លូវស្រាប់តែឃើញស្បែកជើងប្រពន្ធ និងកូនរបស់ខ្លួនទុកនៅមាត់ស្រះជាមួយខោអាវក្មេងៗចំនួនពីរកំប្លេរពេលនោះខ្លួនជាមួយប្រជាការពារបានឈួលពិលទៅក្នុងទឹកស្រះស្រាប់តែឃើញសាកសពកូន និងប្រពន្ធរបស់ខ្លួនអណ្ដែតផ្កាត់មុខ ភ្លាមនោះខ្លួនជាមួយអ្នកភូមិបានស្រង់លើកសពហើយដឹកយកមកផ្ទះលុះព្រឹកឡើងទើបបានរាយការណ៍ជូនសមត្ថកិច្ច ។
សមត្ថកិច្ចនិយាយថាជនរងគ្រោះពិតជាស្លាប់ដោយសាលង់ទឹកពិតប្រាកដ់មែន ព្រោះ តាមការពិនិត្យសាកសព ភ្នែកក្បាល លលាដ៏ក្បាល ដងខ្លួន និងអវៈយវៈ ពុំមានស្លាកស្នាមពាក្យព័ន្ធនិងបទល្មើសព្រហ្មទណ្ឌឡើយ៕