Views: 9
ដោយៈ ជា សីហៈ/ភ្នំពេញៈ លោកទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានអនុញ្ញាតឱ្យលោកស្រី ប៉ាទ្រីសា អុងភីង ( Patricia Ongpin) នាយិកាថ្មីរបស់អង្គការសហប្រជាជាតិស្តីពីមេរោគអេដស៍ និងជំងឺអេដស៍ (UNAIDS) ប្រចាំកម្ពុជា ប្រទេសឡាវ និងប្រទេសម៉ាឡេស៊ី ចូលមកដើម្បីសម្តែងការគួរសម និងផ្លាស់ប្តូរបទពិសោធន៍របស់អង្គការ UNAIDS ក្នុងឱកាសដែលលោកស្រី ចូលមកកាន់តំណែងថ្មីនៅកម្ពុជា។
លោកស្រី បានថ្លែងនូវការគាំទ្រដល់ព្រះរាជាណាចក្រកម្ពុជា និងកោតសរសើរអំពីការរីកចម្រើនដែលប្រទេសកម្ពុជាសម្រេចបានក្នុងពេលបច្ចុបន្បលើគ្រប់វិស័យ ដោយឡែកក្នុងការប្រយុទ្ធនឹងជំងឺអេដស៍ ប្រទេសកម្ពុជាឈានមុខគេក្នុងតំបន់អាស៊ីប៉ាស៊ីហ្វិក។
លោកស្រីបានសន្យាថា នឹងពង្រឹងកិច្ចសហការជាមួយអាជ្ញាធរជាតិប្រយុទ្ធនឹងជំងឺអេដស៍ ដើម្បីសម្រេចបានគោលដៅ ៩៥-៩៥-៩៥ នៅឆ្នាំ២០២៥ ខាងមុខ៕