Views: 10
ប្រែសម្រួលៈបំណង (Xinhua)៖ នាយករដ្ឋមន្ត្រីចិនលោក លី ឃឹឈៀង(Li Keqiang)បានស្នើសុំអោយគ្រប់ផ្នែកពាក់ព័ន្ធខិតខំធ្វើការកែទំរង់និងបើកចំហថែមទៀតដើម្បីស្វះស្វែងរកកម្លាំងជំរុញថ្មីសំរាប់ធ្វើអោយសេដ្ឋកិច្ចចិនមានស្ថិរភាពនិងជំរុញការអភិវឌ្ឍ។
លោកលីបានធ្វើសំណើបែបនេះក្នុងអំឡុងពេលលោកចុះពិនិត្យការងារនៅទីក្រុងសិនចិននៅក្នុងខេត្តក្វាងទុងភាគខាងត្បូងចិនចាប់ពីថ្ងៃអង្គារដល់ថ្ងៃពុធទី១៧សីហា។
លោកនាយករដ្ឋមន្ត្រីបានសង្កត់ធ្ងន់លើការអនុវត្តទស្សនអភិវឌ្ឍន៍ថ្មីនិងសម្របសម្រួលការងារទប់ស្កាត់គ្រប់គ្រងការផ្ទុះជំងឺឆ្លងជាមួយនឹងការអភិវឌ្ឍសេដ្ឋកិច្ចសង្គមតាមវិធីមានប្រសិទ្ធភាពខ្ពស់មួយ។ដោយសង្កត់ធ្ងន់លើកម្លាំងជំរុញថ្មីតាមរយៈការកែទំរង់និងបើកចំហបន្ថែម លោកលីបាននិយាយថាប្រទេសចិននឹងពង្រឹងគ្រឹះសំរាប់ការរើបរើសេដ្ឋកិច្ចបន្ថែម ដោយផ្តល់អាទិភាពដល់ការធ្វើអោយកំណើនមានលំនឹង និងការពារជីវភាពរបស់ប្រជាជន។ការបើកចំហជាគោលនយោបាយមូលដ្ឋានរបស់រដ្ឋចិន មិនថាទិដ្ឋភាពអន្តរជាតិវិវត្តយ៉ាងណាទេ ដោយចិនប្តេជ្ញាបើកចំហ។
ក្នុងអំឡុងពេលធ្វើទស្សនកិច្ច លោកលីបានស្តាប់របាយការណ៍របស់អាជ្ញាធរមូលដ្ឋានអំពីការងាររបស់គេដើម្បីធ្វើអោយការអភិវឌ្ឍមានស្ថិរភាព។នៅក្រុមហ៊ុនBYDដែលជាក្រុមហ៊ុនផលិតរថយន្តអគ្គិសនីឈានមុខមួយនៅចិន លោកនាយករដ្ឋមន្ត្រីត្រូវបានរាយការណ៍ជូនថា ក្រុមហ៊ុនឥឡូវប្រើនិយោជិត៥០០.០០០នាក់ និងបង្កើតការងារថ្មីជាមធ្យមជាង២០.០០០នាក់ក្នុងមួយខែនៅឆ្នាំនេះ។
បើតាមលោកលី រដ្ឋាភិបាលមិនត្រឹមតែជួយសហគ្រាសមីក្រូ តូចនិងធម្យមរួមទាំងបុគ្គលរកស៊ីដោយខ្លួនឯងដើម្បីដោះស្រាយការលំបាករបស់គេប៉ុណ្ណោះទេ តែក៏ជួយសហគ្រាសឯកជនធំៗដើម្បីអោយពួកគេរីកចំរើនកានតែខ្លាំងនិងប្រសើរឡើង ហើយ«ប្រទេសនឹងពង្រឹងថែមទាំងអភិវឌ្វិស័យសាធារណៈហើយនឹងលើកទឹកចិត្ត គាំទ្រ ព្រមទាំងដឹកនាំការអភិវឌ្ឍវស័យមិនសាធារណៈ ។ក្រុមហ៊ុនទាំងអស់មិនថារដ្ឋឬឯកជន ទទួលបានការយកចិត្តទុកដាក់ស្មើគ្នា»។
ចុងបញ្ចប់លោកលីផ្តាំថា ក្នុងនាមជាខេត្តមានសេដ្ឋកិច្ចធំបំផុតរបស់ចិន ក្វាងទុងត្រូវតែបន្តតួនាទីរបស់ខ្លួនក្នុងការកែទំរង់និងបើកចំហដើម្បីចូលរួមចំណែកដល់ការអភិវឌ្ឍប្រទេស៕
នាយករដ្ឋមន្ត្រីលី ឃឹឈាំង ចុះពិនិត្យទីក្រុងសិនចិន ក្នុងខេត្តក្វាងទុង កាលពីថ្ងៃ១៦និង១៧សីហា
