Views: 2
ប្រែសម្រួលៈបំណង(ដេល្លីម៉េល)៖ នាយករដ្ឋមន្ត្រីអូស្ត្រាលីលោក អ៊ែនថូនី អាល់បានីស(Anthony Albanese)បាននិយាយថាលោកបានធ្វើតេស្តិ៍វិជ្ជមានកូវីដ១៩កាលពីរសៀលថ្ងៃចន្ទហើយនឹងធ្វើការចេញពីផ្ទះក្នុងពេលដាក់ខ្លួននៅដាច់ពីគេ។
កាលពីខែតុលា អូស្ត្រាលីបានបញ្ចប់ការធ្វើចត្តាឡីស័កតាមផ្ទះសំរាប់អ្នកកើតកូវីដ១៩ តែនៅថ្ងៃចន្ទនេះលោកបាននិយាយក្នុងសេចក្តីថ្លែងការណ៍ថា «ខ្ញុំលើកទឹកចិត្តអោយនរណាដែលមិនស្រួលខ្លួនត្រូវធ្វើតេស្តិ៍រកមេរោគ និងចាត់វិធានការបង្ការដើម្បីរក្សាអោយសមាជិកគ្រួសារនិងអ្នកជិតខាងរបស់ខ្លួនមានមានសុខភាពល្អ»។
«ខ្ញុំនឹងដាក់ខ្លួននៅដាច់ពីគេហើយនឹងបន្តធ្វើការចេញពីផ្ទះ»។
លោក អាល់បានីស ត្រូវធ្វើទស្សនកិច្ចពីរថ្ងៃគឺថ្ងៃ១២និង១៣ធ្នូនៅប៉ាពូ អាស៊ី នូវ៉ែលហ្គីណេ(Papua New Guinea)។
វាជាការឆ្លងកូវីដ១៩លើកទីពីរសំរាប់លោកអាល់បានីស នៅឆ្នាំ២០២២នេះ។
សូមបញ្ជាក់ថា មួយសប្តាហ៍មកទល់ថ្ង២៩វិច្ឆិការ អូស្ត្រាលីមានអ្នកឆ្លងកូវីដ១៩ថ្មី១០០.៤២២នាក់ ឬប្រមាណ១៤.៣៤៦នាក់ក្នុងមួយថ្ងៃ ដោយកើនចំនួនឆ្លងកាលពីមួយសប្តាហ៍២០ភាគរយ។ប្រជាជនអូស្ត្រាលីអាយុ៥ឆ្នាំឡើងប្រមាណ៩០ភាគរយបានចាក់វ៉ាក់សាំងការពារកូវីដ១៩បានយ៉ាងតិចពីរដូស៕
