Views: 1
ប្រែសម្រួល : កញ្ញាដាលីស (ប៊ីប៊ីស៊ី) ៖ ក្រុមសារិកាព្រៃ Newcastle United បានចុះហត្ថលេខាទិញខ្សែប្រយុទ្ធ អានថូនី ហ្គ័រដុន (Anthony Gordon) របស់ Everton នៅក្នុងកិច្ចព្រមព្រៀងមួយដែលអាចមានតម្លៃ ៤៥ លានផោន។
កីឡាករវ័យ ២១ ឆ្នាំ ដែលនៅ Everton តាំងពីរូបគេមានអាយុ ១១ ឆ្នាំគឺជាគោលដៅសម្រាប់ Chelsea កាលពីរដូវក្តៅ។
តម្លៃដំបូងត្រូវបានគេដឹងថាមានចំនួន ៤០ លានផោន ដោយកើនឡើងដល់ ៤៥ លានផោនជាមួយនឹងប្រាក់បន្ថែមផ្សេងៗ។
ហ្គ័រដុនបានប្រាប់ទូរទស្សន៍ NUFC TV ថា “ចាប់តាំងពីខ្ញុំបានឮពីចំណាប់អារម្មណ៍នេះមក ខ្ញុំតែងតែជឿជាក់ថា Newcastle គឺសម្រាប់ខ្ញុំ។ មនុស្សមិនទាន់បានឃើញសមត្ថភាពពិតរបស់ខ្ញុំនៅឡើយទេ”។
“ខ្ញុំគិតថា អ្នកគាំទ្រនិងទីក្រុងនេះពិតជាស័ក្តិសមនឹងខ្ញុំ របៀបដែលក្រុមលេងក្រោមគ្រូបង្វឹកគឺពិតជាស័ក្តិសមនឹងខ្ញុំ ហើយក្លិបមើលទៅហាក់ដូចជាពួកគេកំពុងធ្វើដំណើរក្នុងទិសដៅត្រឹមត្រូវ”។
“ខ្ញុំមានអារម្មណ៍ថា វាជាជំហានដ៏ធំមួយ។ ខ្ញុំគិតថានៅក្រោមការដឹកនាំរបស់គ្រូបង្វឹក និងរបៀបដែលក្លិបកំពុងដំណើរការ ខ្ញុំពិតជាអាចលេងល្អនៅទីនេះ”៕
ហ្គ័រដុនផ្ទេរមក Newcastle ក្នុងតម្លៃ ៤៥ លានផោន
