Views: 2
ប្រែសម្រួល : បំណង/កញ្ញាដាលីស (ដេល្លីម៉េល) ៖ប្រមុខអង្គការណាតូបានបញ្ជាក់កាលពីថ្ងៃសុក្រទី២៥វិច្ឆិកាថា ការសំរេចចិត្តអំពីការបញ្ជូនប្រព័ន្ធការពារកាំជ្រួចធុន Patriotទៅអោយអ៊ុយក្រែនវាអាស្រ័យលើប្រទេសបរិច្ចាគ។វាជាការឆ្លើយនឹងសំណួរអ្នកកាសែតជុំវិញការទាមទាររបស់ប៉ូឡូញចង់អោយអាល្លឺម៉ង់បង្វែរជំនួយប្រព័ន្ធ Patriotរបស់ខ្លួនពីប៉ូឡូញទៅកាន់អ៊ុយក្រែនវិញ។
អគ្គលេខាអង្គការណាតូបានប្រាប់អ្នកយកព័ត៌មានថា ការសំរេចចិត្តអំពីប្រព័ន្ធសព្វាវុធជាក់លាក់ណាមួយអាស្រ័យលើការសំរេចចិត្តថ្នាក់ជាតិ ទោះជាយ៉ាងណាកិច្ចព្រមព្រៀងសំរាប់អ្នកប្រើប្រាស់ចុងក្រោយនិងការរៀបចំដទៃទៀតពេលខ្លះត្រូវការប្រឹក្សាយោបល់ពីប្រទេសជាសម្ពន្ធមិត្ត។
មុននេះ រដ្ឋាភិបាលប៉ូឡូញនិយាយថា ប្រព័ន្ធប្រឆាំងកាំជ្រួច ដែលអាល្លឺម៉ង់ប្រុងផ្តល់ជូនអោយខ្លួន គួរតែឱ្យទៅអ៊ុយក្រែនជំនួសវិញ។តែវាជាសំណើមួយទំនងជាមិនអាចចាប់ផ្តើមបានទេសម្រាប់រដ្ឋាភិបាលក្រុងប៊ែរឡាំង ពីព្រោះវានឹងជួយជំរុញយ៉ាងខ្លាំងដល់ការចូលរួមពាក់ព័ន្ធរបស់ណាតូនៅក្នុងប្រទេសអ៊ុយក្រែន។
ទោះជាយ៉ាងណាការឆ្លើយតបដ៏គួរឱ្យភ្ញាក់ផ្អើលរបស់ប៉ូឡូញចំពោះការផ្តល់ជូនរបស់រដ្ឋាភិបាលក្រុងប៊ែរឡាំងត្រូវបានស្វាគមន៍ដោយអ៊ុយក្រែនដែលព្យាយាមការពារដែនអាកាសរបស់ខ្លួនទាំងអស់សង្ឃឹមខណៈការវាយប្រហារដោយកាំជ្រួចមីស៊ីលរុស្ស៊ីជាច្រើនគ្រាប់បានធ្វើឱ្យដាច់ថាមពលនៅទូទាំងប្រទេស។
រដ្ឋមន្ត្រីការពារជាតិអាល្លឺម៉ង់លោកស្រី គ្រីស្ទីន ឡាំប្រិច (Christine Lambrecht) បានសង្កត់ធ្ងន់ថាការប្រើប្រាស់ប្រព័ន្ធការពាររបស់អង្គការណាតូនៅក្រៅទឹកដីរបស់អ៊ុយក្រែនចាំបាច់ត្រូវមានការយល់ព្រមពីរដ្ឋសមាជិកទាំងអស់៕
ប្រព័ន្ធកាំជ្រួច Patriotផលិតដោយក្រុមហ៊ុនអាម៉េរិក
