Views: 1
ដោយៈ បាយ័ន / សៀមរាបៈ បុរសម្នាក់ បានដាច់ជើងខាងស្តាំ ត្រឹមកំភួនជើង នៅក្នុងពេលបុរសម្នាក់នោះ កំពុងកាត់ស្មៅ នៅក្នុងចំការស្វាយចន្ទីរបស់ខ្លួន បណ្តាលឱ្យបាក់ផ្លែម៉ាស៊ីន កាត់ស្មៅនោះ ហើយខ្ទាតទៅប៉ះជើង ។ ហេតុការណ៍នេះ បានកើតឡើង នៅវេលាម៉ោង ១២ ថ្ងៃត្រង់ ថ្ងៃទី២៦ ខែកញ្ញា ឆ្នាំ២០២២ ស្ថិតក្នុងឃុំខ្នងភ្នំ ស្រុកស្វាយលើ ខេត្តសៀមរាប។
លោកវរសេនីយ៍ទោ ស៊ុន ថៃ អធិការរងទទួល ការងារសន្តិសុខ នៃអធិការដ្ឋាននគរបាលស្រុកស្វាយលើ បាននិយាយថាៈ ករណីគ្រោះថ្នាក់នេះ ដោយសារបាក់ផ្លែម៉ាសុីនកាត់ស្មៅ នៅចម្ការស្វាយចន្ទីរបស់ខ្លួន ដែលបង្ករឡើងដោយខ្លួនឯង បណ្តាលឱ្យដាច់ជើងខាងស្តាំក្រោមកំភួនជើង ។
បុរសរងគ្រោះ មានឈ្មោះ ជុំ ភាន់ អាយុ៣២ឆ្នាំ មានប្រពន្ធឈ្មោះ វេន រី អាយុ៣២ឆ្នាំ មានលំនៅ នៅភូមិខ្លាឃ្មុំ ឃុំខ្នងភ្នំ ស្រុកស្វាយលើ ខេត្តសៀមរាប។លោកបាននិយាយថាៈ ជនរងគ្រោះ ត្រូវបានក្រុមគ្រួសារដឹកដល់មណ្ឌលសុខភាពខ្នងភ្នំ នៅវេលាម៉ោង ១២:៤០នាទី ។ ក្រុមគ្រូពេទ្យ បានសង្គ្រោះបឋម និងពិនិត្យឃើញថា មុខរបួសដាច់សរសៃ និងឆ្អឹង នៅសល់តែស្បែកបន្តិច ក៍បានកាត់ជើងនោះចេញ លាងរបួស ហើយបានបញ្ចូនបន្ត ទៅមន្ទីរពេទ្យស្រុកសូទ្រនិគម ដល់នៅម៉ោង ១៥ៈ១០ នាទី រួចបញ្ជូនទៅកាន់ពេទ្យបង្អែកខេត្តសៀមរាប ម៉ោង ១៦:៤៥ នាទី៕ V / N
