Views: 5
ដោយ៖ដេប៉ូ/ភ្នំពេញ៖ ដោយការចង់បានសញ្ញាបត្របាក់ឌុប និងពិសេសចង់បំពេញក្តីបំណងរបស់ខ្លួន ស្ត្រីមួយរូបដែលឈានចូលវ័យចំណាស់ទៅហើយ បានមកចូលរួមប្រឡងយកសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង៖ ០៥ ធ្នូ ២០២២នេះ។
បើតាមក្រសួងអប់រំបានឱ្យដឹងថា៖ ស្ត្រីដែលមានអាយុច្រើន ហើយមកចូលរួមប្រឡងយកសញ្ញាបត្របាក់ឌុបជាមួយបណ្តាយុវជន យុវនារីនេះមានឈ្មោះអ្នកគ្រូ ហែម ស៊ីណាត គាត់ជាគ្រូអក្ខរកម្ម អាយុ ៥៦ ឆ្នាំ នៅភូមិថ្មរមៀល ឃុំបន្ទាយឆ្មារ ស្រុកថ្មពួកខេត្តបន្ទាយមានជ័យ។
ប្រភពពីមន្ត្រីក្រសួងអប់រំបានឱ្យដឹងថាស្ត្រីរូបនេះបានប្រឡងមណ្ឌលប្រឡងសកលវិទ្យាល័យជាតិមានជ័យ សង្កាត់ទឹកថ្លា ក្រុងសិរីសោភ័ណ៕/R
