Views: 8
ដោយ៖ សុវណ្ណកុម្ភៈ/ភ្នំពេញ៖ សហព័ន្ធកីឡាវាយកូនឃ្លីលើតុ បានបើកកិច្ចប្រជុំគណៈកម្មការ បច្ចេកទេស និងចាប់ឆ្នោត ចែកពូលសម្រាប់ព្រឹត្តការណ៍ ការប្រកួតកីឡាជាតិលើកទី៣ និងកីឡាជនពិការជាតិ លើកទី១ នាថ្ងៃទី២៥ ខែវិច្ឆិកា ឆ្នាំ២០២២ ដែលរៀបចំដោយ ក្រសួងអប់រំ យុវជន និងកីឡា បានសហការ ជាមួយសហព័ន្ធកីឡាវាយកូនឃ្លីលើតុ បានចាប់ផ្តើមការប្រកួតជាផ្លូវការ នៅសាលដំបូកទូកថ្មី នៃពហុកីឡដ្ឋានជាតិអូឡាំពិក ។
លោក ស៊ុន សុទ្ធារិទ្ធ អគ្គលេខាធិការសហព័ន្ធកីឡាវាយកូនឃ្លីលើតុបានមានប្រសាសន៍ថាការប្រកួតការប្រកួតកីឡាជាតិលើកទី៣ និងកីឡាជនពិការជាតិលើកទី១ ឆ្នាំ២០២២ ដែលប្រព្រឹត្តទៅចាប់ពីថ្ងៃនេះ ដល់ថ្ងៃទី២៩ ខែវិច្ឆិកា ឆ្នាំ២០២២ នៅសាលដំបូកទូកថ្មីនៃពហុកីឡដ្ឋានជាតិអូឡាំពិក ។ការប្រកួត៥វិញ្ញាសារួមមានវិញ្ញាសាឯកត្តជនបុរសក១, វិញ្ញាសាឯកត្តជនបុរសក២, វិញ្ញាសាវាយគូបុរសក១, វិញ្ញាសាវាយគូបុរសក២ និងវិញ្ញាសាប្រកួតជាក្រុមបុរសក១ ។
លោកបានបន្តថាការប្រកួតខាងលើកនេះមានចំនួន៧រាជធានីខេត្តក្រសួងហើយក៏មានកីឡា វាយកូនឃ្លីលើតុជនពិការដែរ ដើម្បីត្រៀមខ្លួនព្រឹត្តិការណ៍ ការប្រកួតកីឡា SEA GAMES 2023 លើកទី៣២ និងអាស៊ានប៉ារ៉ាហ្គេម ដែលកម្ពុជាធ្វើម្ចាស់ផ្ទះ៕
