Views: 8
ដោយ: ភ្នំសន្ទុក/ កំពង់ធំ: ដើម្បីសម្រួលដល់ដល់ការធ្វើដំណើរប្រចាំថ្ងៃរបស់ប្រជាពលរដ្ឋ នៅក្នុងភូមិកំពង់សំរោង សង្កាត់ស្រយ៉ូវ ក្រុងស្ទឹងសែន នៅថ្ងៃទី ៦ ខែសីហា ឆ្នាំ២០២២ លោក ងួន រតនៈ អភិបាលខេត្តកំពង់ធំអមដំណើរដោយលោក ម៉ាក់ ប៊ុនហុង អភិបាលក្រុងស្ទឹងសែន ក្រុមការងារបានអញ្ជើញចុះពិនិត្យទីតាំងជាក់ស្ដែង ផ្លូវក្រាលក្រួសក្រហម ចំនួនពីរខ្សែ មានប្រវែង ជាង៨០០ម៉ែត្រ ដែលរងការខូចខាតនៅក្នុងរដូវវស្សានេះ។
លោកអភិបាលខេត្តកំពង់ធំបានឪ្យដឹងថា រដ្ឋបាលខេត្តកំពង់ធំ នឹងលើកគម្រោងជួសជុលផ្លូវក្រាលក្រួសក្រហមនេះឡើងវិញ ឲ្យក្លាយទៅជាផ្លូវល្អ ផ្លូវមានគុណភាព ដើម្បីបង្កភាពងាយស្រួលសម្រាប់បងប្អូនប្រជាពលរដ្ឋធ្វើដំណើរប្រចាំថ្ងៃ និងធ្វើដំណើរប្រកបដោយសុវត្ថិភាព។
លោក ម៉ាក់ ប៊ុនហុង អភិបាលក្រុងស្ទឹងសែនបានឱ្យដឹងថា ផ្លូវខាងលើនេះរដ្ឋបាលខេត្តកំពង់ធំ រដ្ឋបាលក្រុងស្ទឹងសែន មានគម្រោងចាក់កៅស៊ូ ជូននាពេលខាងមុខនេះហើយ៕ សរន