Views: 7
ប្រែសម្រួល : កញ្ញាដាលីស (ស្ត្រេតថែមស៍) ៖ បំណុលជាតិសរុបរបស់អាម៉េរិកបានកើនលើសពី ៣១ ទ្រីលានដុល្លារជាលើកដំបូងកាលពីថ្ងៃអង្គារ ជាព្រឹត្តិការណ៍ហិរញ្ញវត្ថុដ៏អាក្រក់មួយដែលបានមកដល់ខណៈរូបភាពសារពើពន្ធរយៈពេលវែងរបស់ប្រទេសកំពុងងងឹតសូន្យឈឹង ចំពេលមានការដំឡើងអត្រាការប្រាក់។
ការកើនហួសខ្ពស់បែបនេះ ដែលត្រូវបានបង្ហាញនៅក្នុងរបាយការណ៍របស់ក្រសួងរតនាគារ បានកើតឡើងក្នុងគ្រាមិនសមស្របខណៈអត្រាការប្រាក់ទាបជាប្រវត្តិសាស្ត្រកំពុងត្រូវបានជំនួសដោយការចំណាយលើការខ្ចីប្រាក់ខ្ពស់ជាងមុន ខណៈធនាគារកណ្តាលអាម៉េរិកព្យាយាមប្រយុទ្ធប្រឆាំងនឹងអតិផរណាយ៉ាងរហ័ស។
ខណៈកម្រិតខ្ចីប្រាក់បំបែកឯតទគ្គកម្មរបស់រដ្ឋាភិបាលដើម្បីប្រយុទ្ធប្រឆាំងនឹងជំងឺរាតត្បាតកូវីដ១៩និងការកាត់បន្ថយពន្ធផ្នែកហិរញ្ញវត្ថុត្រូវបានអ្នកបង្កើតគោលនយោបាយមួយចំនួនមើលឃើញថាអាចលៃលកបាន អត្រាការប្រាក់ខ្ពស់កំពុងធ្វើឱ្យបំណុលរបស់អាម៉េរិកកាន់តែថ្លៃជាងមុនទៅតាមពេលវេលា។
លោក ម៉ៃឃើល ភីតធឺសុន (Michael Peterson) នាយកប្រតិបត្តិនៃមូលនិធិ Peter G. Peterson ដែលជំរុញការកាត់បន្ថយឱនភាព បាននិយាយថា”ការព្រួយបារម្ភជាច្រើនដែលយើងមានអំពីវិថីបំណុលរបស់យើងកំពុងចាប់ផ្តើមបង្ហាញខ្លួនឯង ខណៈយើងបង្កើនទាំងបំណុលរបស់យើង និងបង្កើនទាំងអត្រាការប្រាក់របស់យើង។ មនុស្សច្រើនពេកណាស់ជិះសេះលែងដៃអំពីវិថីបំណុលរបស់យើង មួយផ្នែកគឺដោយសារអត្រាទាបខ្លាំងនាពេលកន្លងមក”។
តួលេខថ្មីនេះបានកើតឡើងនៅពេលវេលាដែលសេដ្ឋកិច្ចងាយប្រែប្រួល ក្នុងពេលដែលវិនិយោគិនកំពុងផ្លាស់ប្តូរការគិតភ្លាមៗរវាងវិបត្តិសេដ្ឋកិច្ចសកល និងសុទិដ្ឋិនិយម ដែលគេបញ្ចៀសមិននិយាយ៕
រដ្ឋាភិបាលអាម៉េរិកកំពុងចេញបំណុលថ្មីឥតឈប់ឈរ ដែលមានន័យថាតម្លៃប្រាក់កម្ចីរបស់ខ្លួនឡើងថ្លៃនិងចុះទៅតាមកម្រិតអត្រាការប្រាក់
