Views: 2
ដោយៈមុនីរ័ត្ន/ភ្នំពេញៈ លោកញឹក ប៊ុនឆៃ ប្រធានគណបក្សខ្មែររួបរួមជាតិ បានចេញសេចក្តីសម្រេចបណ្តេញចេញឈ្មោះ ញ៉ែម អេន ចេញពីសមាជិកគណបក្សខ្មែររួបរួមជាតិ។ នេះបេីយោងតាមសេចក្តីសម្រេចចុះថ្ងៃទី៤ ខែធ្នូ ឆ្នាំ២០២២។
សូមជម្រាបថា គណបក្សខ្មែររួបរួមជាតិ បសនតែងតាំងលោកញ៉ែម អេន ជាបេសកជនពិសេសលោកញឹក ប៊ុនឆៃ កាលពីថ្ងៃទី១៨ ខែកក្កដា ឆ្នាំ២០២២។
គួររម្លឹកថា លោក ញ៉ែម អេន បានប្រកាសចាកចេញពីគណបក្សខ្មែរស្រឡាញ់ជាតិ តាមរយៈលិខិតមួយច្បាប់ ចុះថ្ងៃទី ៦ ខែកក្កដា ឆ្នាំ ២០២២ ដោយសារតែមានបញ្ហាមួយចំនួន។ លោក ញ៉ែម អេន ធ្លាប់មានតំណែងជាអភិបាលរងស្រុកអន្លង់វែង ហើយបានលាឈប់ទៅចូលរួមជាមួយអតីតគណបក្សសង្គ្រោះជាតិ, គណបក្សអំណាចខ្មែរ, គណបក្សខ្មែរសាធារណរដ្ឋ, គណបក្សពលកររុងរឿង, គណបក្សខ្មែរស្រឡាញជាតិ និងចុងក្រោយនេះ គណបក្សខ្មែររួបរួមជាតិ របស់លោក ញឹក ប៊ុនឆៃ៕សរន