Views: 2
ដោយៈប.ជ័យ / បន្ទាយមានជ័យ៖ លោក អ៊ុំ រាត្រី អភិបាលខេត្តបន្ទាយមានជ័យរួមនឹងក្រុមការងារ របស់លោកទេសរដ្ឋមន្ត្រី គន់ គីម អមដំណើរដោយ អភិបាលរងខេត្ត ក្រុមការងារបានចុះនាំយក អំណោយរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេច កិត្តិព្រឹទ្ធបណ្ឌិតបានចែកជូនដល់ពលរដ្ឋចាស់ជរាមានជីវភាពខ្វះខាតរងគ្រោះដោយសារទឹកជំនន់រស់នៅតាមដងស្ទឹងនៅក្នុងសង្កាត់ចំនួនបីក្នុងក្រុងសិរីសោភ័ណ។សង្កាត់ទាំងបីរួមមាន៖សង្កាត់ភ្នៀត,សង្កាត់កោះពងសត្វនិងសង្កាត់អូរអំបិលដែលមានចំនួនជិត២០០គ្រួសារ ។
លោក ស្រេង សុផល អភិបាលក្រុងសិរីសោភ័ណបានឱ្យដឹងថា ក្នុងចំណោមពលរដ្ឋទាំងនេះ មានអ្នករងគ្រោះដោយទឹកជំនន់ ជនងាយរងគ្រោះជីវភាព(ចាស់ជរា មានជីវភាពខ្វះខាត) ផងដែរ។ពលរដ្ឋទាំងនេះ មានចំនួនតិចប៉ុណ្ណោះដែលបានត្រូវជន្លៀសទៅទួលសុវត្ថកិភាព ។
ក្នុងឱកាសនាំអំណោយទៅប្រគល់ជូនពលរដ្ឋរងគ្រោះកាលពីល្ងាចថ្ងៃ២ខែតុលា លោក អ៊ុំ រាត្រី នាំការផ្តាំផ្ញើសួរសុខទុក្ខពីសំណាក់សម្តេចតេជោ ហ៊ុន សែន និងសម្តេចកិត្តព្រឹទ្ធបណ្ឌិត ប៊ុន រ៉ានី ហ៊ុនសែនដល់បងប្អូនប្រជាពលរដ្ឋទាំងអស់ដោយក្តីនឹករលឹកជានិច្ចកាលសម្តេចតែងតែយកចិត្តទុក្ខដាក់ខ្ពស់ចំពោះសុខទុក្ខលំបាកប្រជាពលរដ្ឋ ។
ជាមួយគ្នានោះអភិបាលខេត្ត ក៏បានណែនាំដល់បងប្អូនប្រជាពលរដ្ឋទាំងអស់ ថែរក្សាសុខភាពនិងប្រយ័ត្នកូនចៅដែលអាចជួបគ្រោះថ្នាក់ជាយថាហេតុ៕សរន
បន្តផ្តល់ស្បៀងសម្តេចតេជោ ជូនពលរដ្ឋចាស់ជរា ពលរដ្ឋ មានជីវភាពខ្វះខាត រងគ្រោះដោយសារទឹកជំនន់(រូបថតរដ្ឋបាលខេត្ត(
