Views: 1
ប្រែសម្រួលៈបំណង (Xinhua)៖ បញ្ជាការយោធភូមិភាគបូព៌ានៃកងទ័ពរំដោះប្រជាជនចិនបានបញ្ជាក់កាលពីថ្ងៃសុក្រថា ខ្លួនបន្តធ្វើសមយុទ្ធប្រយុទ្ធរួមនិងការហ្វឹកហាត់នៅក្នុងដែនទឹកនិងដែនអាកាសជុំវិញកោះតៃវ៉ាន់។
សមយុទ្ធនេះបាននិងកំពុងធ្វើនៅក្នុងដែនទឹកនៅឯនាយឆ្នេរខាងជើង និរតីនិងខាងកើតកោះតៃវ៉ាន់។
នាវាពិឃាតនិងនាវាហ្វ្រីហ្កាតជាងដប់គ្រឿងកំពុងធ្វើប្រតិបត្តិការបិទខ្ទប់នៅក្នុងដែនទឹកជុំវិញកោះ នៅពេលកងកាំជ្រួចប្រឆាំងនាវានិងគោលដៅលើដី ធ្វើការហាត់សមព្រមៗគ្នា លើគោកដៅក្នុងសមុទ្រ។
តៃវ៉ាន់បាននិយាយនៅថ្ងៃសៅរ៍នេះថា សមយុទ្ធយោធាចិនទំនងជាធ្វើហាក់ដូចជាកំពុងវាយប្រហារលើកោះស្វ័យគ្រប់គ្រងនេះ បន្ទាប់ពីនាវានិងយន្តហោះចម្បាំងចិនជាច្រើនបន្តហោះនិងបើកហួសខ្សែបន្ទាត់កណ្តាលនៃច្រកសមុទ្រតៃវ៉ាន់។
ក្រសួងយោធាតៃវ៉ាន់បាននិយាយថា កងកម្លាំងប្រដាប់អាវុធតៃវ៉ាន់កំពុងប្រុងប្រៀបខ្លួន បញ្ជូនចេញកងល្បាតអាកាសនិងសមុទ្រនៅជុំវិញកោះ និងបញ្ជាទៅកងប្រព័ន្ធកាំជ្រួចអោយតាមដានសកម្មភាពយោធាចិនជាប់។
ចិនបានចាប់ផ្តើមសមយុទ្ធយោធាបាញ់គ្រាប់ពិតក្រោយប្រធានសភាអាម៉េរិកទៅធ្វើទស្សនកិច្ចកោះតៃវ៉ាន់ផ្គើននឹងការព្រមានពីចិននៅសប្តាហ៍នេះ ដោយថាដំណើរដូច្នេះរំលោភគោលការណ៍ចិនមួយ។វាបានចាប់ផ្តើមកាលពីថ្ងៃព្រហស្បតិ៍និងចប់នៅថ្ងៃអាទិត្យ។
យោធាតៃវ៉ាន់នៅថ្ងៃនេះក៏បាននិយាយថា ខ្លួនបានសង្កេតឃើញដ្រូនចំនួនបួនហោះនៅឯនាយឆ្នេរកោះ និងបានបាញ់ព្រមាន៕
តៃវ៉ាន់បានរាយការណ៍ជាថ្មីថា យន្តហោះនិងនាវាចិនបានបន្តបើកចូលហួសខ្សែបន្ទាត់កណ្តាលនៃច្រកសមុទ្រតៃវ៉ាន់នៅថ្ងៃសៅរ៍