Views: 8
ដោយៈ វ៉ៃកូ/ស្វាយរៀងៈ លោក លឹម សៀងហេង អភិបាលក្រុងបាវិត នៅព្រឹកថ្ងៃទី៧ ខែធ្នូ ឆ្នាំ២០២២ នេះ បានអញ្ជើញជាអធិបតីនៅក្នុងពិធីបើកការដ្ឋានសាងសង់ផ្លូវក្រាលកៅស៊ូ DBST ប្រវែង៤.៥០០ម៉ែត្រ ទទឹង៧ម៉ែត្រ និងសម្ភោធដាក់ឲ្យប្រើប្រាស់ជាផ្លូវការនូវផ្លូវបេតុងអាម៉េមួយខ្សែប្រវែង៨៨៧ម៉ែត្រ ទទឹង៤ម៉ែត្រ ស្ថិតក្នុងសង្កាត់បាទី ក្រុងបាវិត ខេត្តស្វាយរៀង។
នៅក្នុងឱកាសនោះលោកអភិបាលក្រុងបាវិតមានប្រសាសន៍ថាផ្លូវមួយខ្សែនេះពីមុនមានសភាពតូចចង្អៀត និងខូចខាតច្រើន ហើយនៅរដូវវស្សាស្ថានភាពផ្លូវ គឺមានទឹកដក់ និងរអិលពិបាកក្នុងការធ្វើដំណើរឆ្លងកាត់ ជាពិសេសគឺនៅពេលបងប្អូនប្រជាពលរដ្ឋដឹកកសិផលមកកាន់ទីផ្សារ សិស្សសាលាទៅរៀនសូត្រ និងបងប្អូនកម្មករកម្មការិនីធ្វើដំណើរតែងតែជួបការលំបាកយ៉ាងខ្លាំងក្នុងការធ្វើដំណើរ។
លោកអភិបាលក្រុងក៏សុំការយោគយល់ពីប្រជាពលរដ្ឋដែលរស់នៅអមសងខាងផ្លូវសូមជួយសម្រួលដល់អាជ្ញាធរក្នុងការជួសជុលស្ថាបនាផ្លូវមួយខ្សែនេះឡើងវិញផងដែរ៕ /R