Views: 2
ដោយៈ វណ្ណះ/ព្រះសីហនុៈ នាឱកាសបុណ្យភ្ជុំបិណ្ឌប្រពៃណីជាតិឆ្នាំ២០២២នេះ លោកអភិបាលខេត្ត និងលោកស្រីបាននាំយកថវិកាដ៏ថ្លៃថ្លារបស់សម្តេចតេជោ នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ផ្តល់ជូនបុគ្គលិកអនាម័យក្រុង បុគ្គលិកសម្អាតឆ្នេរ បុគ្គលិកក្រុមហ៊ុនសំរាម KSWM ឆ្មាំសមុទ្រ និងប្រជាការពារក្រុង-សង្កាត់ក្នុងម្នាក់ៗទទួលបាន១០ម៉ឺនរៀល ជាការលើកទឹកចិត្ត ក្នុងការរៀបចំសណ្តាប់ធ្នាប់ និងសម្អាតអនាម័យឆ្នេរសមុទ្ររបស់យើងឱ្យមានបរិស្ថានល្អ និងសោភ័ណភាពស្រស់ស្អាតជាប្រចាំ ទាក់ទាញបានភ្ញៀវទេសចរណ៍ជាតិ និងអន្តរជាតិចូលមកកំសាន្តកាន់តែច្រើនឡើង។
ការផ្តល់ជូនរង្វាន់លើកទឹកចិត្តបានប្រព្រឹត្តឡើងនៅឆ្នេរអូរឈើទាល នាព្រឹកថ្ងៃទី២៦ ខែកញ្ញា ឆ្នាំ២០២២ ខណៈលោក គួច ចំរើន អភិបាល នៃគណៈអភិបាលខេត្តព្រះសីហនុ និងលោកស្រី លោកអភិបាលរងខេត្ត លោកអភិបាលក្រុងព្រះសីហនុ និងលោកលោកស្រីជានាយកទីចាត់ការ ប្រធានមន្ទីរអង្គភាពជុំវិញខេត្ត បានអញ្ជើញជួបសំណេះសំណាលជាមួយបុគ្គលិកអនាម័យក្រុង បុគ្គលិកសម្អាតឆ្នេរ បុគ្គលិកក្រុមហ៊ុនសំរាម KSWM ឆ្មាំសមុទ្រ និងប្រជាការពារក្រុង-សង្កាត់៕
ភ្ញៀវទេសចរណ៍ជាតិ,អន្តរជាតិដែលបានទៅលេងកំសាន្តនៅទីក្រុងព្រះសីហនុ កោតសរសើរដល់ការដឹកនាំរៀបចំសណ្តាប់ធ្នាប់ តំបន់ឆ្នេរសមុទ្របានល្អ ប្រកបដោយអនាមយ័បរិស្ថានល្អ៕
